ശിരോവസ്ത്രം ശരിയായി ധരിച്ചില്ലെന്നാരോപിച്ച് പൊതുസ്ഥലത്തിൽ യുവതിയ്ക്ക് നേരെ പോലീസ് അതിക്രമം; വൈറലായി വീഡിയോ
ശിരോവസ്ത്രം ശരിയായി ധരിച്ചില്ലെന്നാരോപിച്ച് യുവതിയെ പോലീസുകാര് പൊതുസ്ഥലത്തിൽ വച്ച് ക്രൂരമായി മർദ്ദിക്കുന്നതിന്റെ ദൃശ്യങ്ങൾ പുറത്ത്. ഹിജാബ് ധരിച്ചത് ശരിയായില്ലെന്ന് പറഞ്ഞ് പോലീസുകാര് യുവതിയിടെ മുഖത്ത് അടുക്കിന്നതും താഴെ തള്ളിയിടുന്നതും ദൃശ്യങ്ങളിൽ വ്യക്തമാണ്.
ഇറാനിലെ ഒരു പാര്ക്കിലാണ് ഇത്തരത്തിലൊരു സംഭവമുണ്ടായത്. പകല് സമയത്ത് നിരവധിയാളുകള് നോക്കി നില്ക്കെയാണ് പോലീസിന്റെ ഈ അതിക്രമണം. വീഡിയോ സോഷ്യല് മീഡിയകളില് വൈറലായതോടെ സംഭവത്തെ കുറിച്ച് അന്വേഷിക്കുമെന്ന് ആഭ്യന്തര മന്ത്രി അബ്ദൊല്റെസ റഹ്മാനി ഫാസില് അറിയിച്ചു. ഇറാന് നിയമപ്രകാരം സ്ത്രീകള് തല മറച്ച് മാത്രമെ പുറത്തിറങ്ങാന് അനുവാദമുള്ളൂ.
അതേസമയം പൊലീസിനെ അധിക്ഷേപിച്ചതിനെ തുടര്ന്നാണ് യുവതിയെ മര്ദ്ദിച്ചതെന്നാണ് പൊലീസിന്റെ വിശദീകരണം. എന്നാല് പൊലീസിന്റെ ഇത്തരം പെരുമാറ്റം അംഗീകരിക്കാനാകില്ലെന്ന് വുമണ്സ് അഫയഴ്സ് വൈസ് പ്രസിഡന്റ് മസൂമെ എബ്തെകര് പറഞ്ഞു.
ദൃശ്യങ്ങള് പുറത്തുവന്നതോടെ സംഭവത്തിനെതിരെ സോഷ്യല് മീഡിയയില് അടക്കം വലിയ പ്രതിഷേധമാണ് ഉയരുന്നത്. ഹിജാബ് ധരിക്കാതെ നിരവധി സ്ത്രീകള് വീഡിയോ ദൃശ്യങ്ങള് പുറത്തിറക്കുകയും ചെയ്തിരുന്നു. പാര്ക്കില് യുവതിക്കൊപ്പമുണ്ടായിരുന്ന ആളുകളാണ് അക്രമത്തിന്റെ ദൃശ്യങ്ങള് പകര്ത്തിയത്.
വീഡിയോ കാണാം....
https://www.facebook.com/Malayalivartha