ഇന്ത്യന്‍ അധികാരികളും പ്രധാനമന്ത്രി നരേന്ദ്ര മോദിയും സ്ത്രീ സുരക്ഷക്കായി കൂടുതല്‍ ശ്രദ്ധ കാണിക്കണമെന്ന് അന്താരാഷ്ട്ര നാണയനിധി അധ്യക്ഷ ക്രിസ്റ്റീന്‍ ലഗാര്‍ഡെ. വാഷിങ്ടണില്‍ മാധ്യമങ്ങളോട് സംസാരിക്കുന്നതിനിടെയാണ് അവര്‍ ഇന്ത്യയിലെ സ്ത്രീ സുരക്ഷയെ കുറിച്ചു സംസാരിച്ചത്..
കഠുവ സംഭവം ആഗോളതലത്തില്‍ ചര്‍ച്ചയായതോടെയാണ് ക്രിസ്റ്റീന്‍ ലഗാര്‍ഡെയുടെ പ്രതികരണം. രാജ്യത്തെ സ്ത്രീകളുടെ അവസ്ഥയെ കുറിച്ച് നാലു മാസത്തിനിടെ ഇത് രണ്ടാം തവണയാണ് ഐഎംഎഫ് പ്രധാനമന്ത്രിയോട് ചൂണ്ടിക്കാട്ടുന്നത്. 
ജനുവരിയില്‍ നടന്ന ലോക സാമ്പത്തിക ഫോറത്തില്‍ പ്രധാനമന്ത്രി നരേന്ദ്ര മോദി തന്റെ പ്രസംഗത്തില്‍ ഇന്ത്യയിലെ സ്ത്രീകളെ കുറിച്ച് പരാമര്‍ശിച്ചില്ലെന്നായിരുന്നു ഒരു ചോദ്യത്തിനുത്തരമായി ക്രിസ്റ്റീന് ലഗാര്‍ഡെ നടത്തിയ പ്രസ്താവന.
അരോചകമായിട്ടുള്ള ഒന്നാണ് ഇന്ത്യയില്‍ നടന്നത്. ഇന്ത്യന് അധികാരികളും പ്രധാനമന്ത്രി നരേന്ദ്ര മോദിയും സ്ത്രീ സുരക്ഷയ്ക്ക് കൂടുതല്‍ ് വിലനല്കുമെന്ന് എനിക്ക് പ്രതീക്ഷയുണ്ട്. ഇന്ത്യയിലെ സ്ത്രീകള്‍ അതാഗ്രഹിക്കുന്നുമുണ്ടെന്നും അവര്‍ പറഞ്ഞു