യുഎസില് മരിച്ച പിതാവിന്റെ മൃതദേഹം നാട്ടിലെത്തിച്ച സൗദി അറേബ്യന് കുടുംബം ശരിക്കും ഞെട്ടിപ്പോയി ; ശവപ്പെട്ടിക്കുള്ളില് അപരിചിതന്റെ മൃതദേഹം
യുഎസില് മരിച്ച പിതാവിന്റെ മൃതദേഹം ഭക്ത്യാദരപൂര്വം ഏറ്റുവാങ്ങിയ കുടുംബം ശവപ്പെട്ടി തുറന്നപ്പോള് ഞെട്ടിപ്പോയി. പെട്ടിക്കുള്ളില് ഉണ്ടായിരുന്നത് മറ്റാരുടേയോ മൃതദേഹം. സൗദി അറേബ്യന് കുടുംബമാണ് അന്ത്യ കര്മ്മങ്ങള്ക്കായി എത്തിച്ച ശവപ്പെട്ടി തുറന്നപ്പോള് മറ്റാരുടേയോ മൃതദേഹം കണ്ട് ഞെട്ടിപ്പോയത്.
ശവപ്പെട്ടിയുടെ ഷിപ്പിങ്ങ് നമ്പറും യുഎസ് അധികൃതര് നല്കിയ രേഖകളിലെ നമ്പറും ചേരുന്നില്ല എന്നതായിരുന്നു ആദ്യത്തെ പ്രശ്നം. സംശയത്തെ തുടര്ന്ന് ശവപ്പെട്ടി തുറന്നപ്പോള് അതില് പിതാവിന്റെ മൃതദേഹമായിരുന്നില്ല ഉണ്ടായിരുന്നത്. ആളുമാറിപ്പോയിരുന്നു. പിതാവിന്റെ മൃതദേഹം മരണാനന്തര കര്മ്മങ്ങള്ക്കായാണ് കുടുബം നാട്ടിലെത്തിച്ചത്. എന്നാല് മൃതദേഹം മാറിപ്പോയതോടെ ഈ കുടുംബം വീണ്ടും വേദനയിലായി,
വാഷിങ്ടണില് അടുത്തിടെയാണ് സൗദി പൗരന് മരിച്ചതെന്ന് അദ്ദേഹത്തിന്റെ മൂത്ത മകന് ബദാര് അബു തലീബ് പ്രതികരിച്ചു. തുടര്ന്നാണ് മൃതദേഹം റിയാദിലെ കിങ് ഖാലിദ് രാജ്യാന്തര വിമാനത്താവളം വഴി സൗദിയില് എത്തിച്ചത്. ഇവിടെ വച്ചാണ് രേഖകളിലെ പൊരുത്തക്കേട് മനസിലായതെന്നും തലീബ് പറഞ്ഞു.
യുഎസില് നിന്നും എത്തിയ ശവപ്പെട്ടിയില് യൂറോപ്യന് പൗരനെന്നു സംശയിക്കുന്ന ഒരു വ്യക്തിയുടെ മൃതദേഹമായിരുന്നു ഉണ്ടായിരുന്നത്. തുടര്ന്ന് പിതാവിന്റെ മൃതദേഹത്തിനായി 20 ദിവസത്തോളം അന്വേഷണം നടത്തി. ഒടുവില് മറ്റൊരു രാജ്യത്തു നിന്നും സ്വന്തം പിതാവിന്റെ മൃതദേഹം കണ്ടെത്തുകയായിരുന്നുവെന്നാണ് റിപ്പോര്ട്ട്. ഏതു രാജ്യത്തു നിന്നാണ് മൃതദേഹം ലഭിച്ചതെന്ന് കുടുംബം വ്യക്തമാക്കിയില്ല.
https://www.facebook.com/Malayalivartha