സിഐഎ മുന് മേധാവി മൈക്ക് പോംപിയോയെ സ്റ്റേറ്റ് സെക്രട്ടറിയായി നിയമിക്കുന്നതിന് സെനറ്റിന്റെ അംഗീകാരം
സിഐഎ മുന് മേധാവി മൈക്ക് പോംപിയോയെ സ്റ്റേറ്റ് സെക്രട്ടറിയായി നിയമിക്കുന്നതിന് സെനറ്റ് അംഗീകാരം നല്കി. 57 സെനറ്റ് അംഗങ്ങള് നിയമനത്തെ അംഗീകരിച്ചപ്പോള് 42 പേര് എതിര്ത്ത് വോട്ട് രേഖപ്പെടുത്തി.
ഡോണള്ഡ് ട്രംപ് യുഎസ് പ്രസിഡന്റായ ശേഷം നിയമിക്കപ്പെടുന്ന രണ്ടാമത്തെ സ്റ്റേറ്റ് സെക്രട്ടറിയാണ് പോംപിയോ. കഴിഞ്ഞ മാര്ച്ചിലാണ് റെക്സ് ടിലേഴ്സണെ സ്റ്റേറ്റ് സെക്രട്ടറി സ്ഥാനത്ത് നിന്ന് പ്രസിഡന്റ് ട്രംപ് പുറത്താക്കിയത്.
ഇതേത്തുടര്ന്നാണ് യുഎസിന്റെ പുതിയ വിദേശകാര്യ സെക്രട്ടറിയായി പോംപിയോയെ ട്രംപ് നാമനിര്ദേശം ചെയ്തത്. റഷ്യയോടും ഉത്തര കൊറിയയോടുമുള്ള നിലപാട് ഉള്പ്പെടെ ഒട്ടേറെ കാര്യങ്ങളില് ടിലേഴ്സണും ട്രംപും തമ്മില് ഭിന്നതകളുണ്ടായിരുന്നു.
ഉത്തരകൊറിയയുമായി നല്ല ബന്ധം സ്ഥാപിക്കാനുള്ള നീക്കത്തിന് മുന്കൈ എടുത്തത് പോംപിയോയാണ്. പോംപിയോ രഹസ്യമായി പ്യോംഗ്യാംഗ് സന്ദര്ശിച്ച് ഉത്തരകൊറിയന് ഏകാധിപതി കിം ജോംഗ് ഉന്നുമായി കൂടിക്കാഴ്ച നടത്തിയിരുന്നു.
https://www.facebook.com/Malayalivartha