ഉത്തരകൊറിയന് ഏകാധിപതി കിം ജോങ് ഉന്നുമായുള്ള കൂടികാഴ്ചയില് മാറ്റമില്ലെന്ന് ട്രംപ്
ഉത്തരകൊറിയന് ഏകാധിപതി കിം ജോങ് ഉന്നുമായി ജൂണ് 12ന് നിശ്ചയിച്ച കൂടികാഴ്ചയില് മാറ്റമില്ലെന്ന് അമേരിക്കന് പ്രസിഡന്റ് ഡോണള്ഡ് ട്രംപ്. വ്യാഴാഴ്ച കിം ജോ ഉന്നുമായി കൂടികാഴ്ച നടത്തില്ലെന്ന ട്രംപ് പറഞ്ഞിരുന്നു. ട്രംപിന്റെ നടപടി ദൗര്ഭാഗ്യകരമാണെന്ന് ഉത്തരകൊറിയ ഇതിനോട് പ്രതികരിച്ചു. ഇതിന് പിന്നാലെയാണ് ജൂണ് 12ന് നടക്കുന്ന കൂടികാഴ്ചയില് മാറ്റമില്ലെന്ന് ട്രംപ് വ്യക്തമാക്കിയത്.
കിം ജോങ് ഉന്നും ദക്ഷിണകൊറിയന് പ്രസിഡന്റ് മൂണ് ജെ ഇന്നും തമ്മിലുള്ള അപ്രതീക്ഷിത കൂടികാഴ്ചക്ക് പിന്നാലെയാണ് ട്രംപിന്റെ പ്രഖ്യാപനം. ട്രംപിന്റെ പുതിയ നീക്കത്തെ ഉത്തരകൊറിയയും സ്വാഗതം ചെയ്തു. ജൂണ് 12ന് തന്നെ കൂടികാഴ്ച നടക്കുമെന്നാണ് കൊറിയന് വാര്ത്ത എജന്സി റിപ്പോര്ട്ട് ചെയ്യുന്നത്.
ദക്ഷിണകൊറിയന് പ്രസിഡന്റുമായി ശനിയാഴ്ച നടത്തിയ കൂടികാഴ്ചയില് ജൂണ് 12ലെ ഉച്ചകോടി സംബന്ധിച്ച് ചര്ച്ചകള് നടത്തിയെന്ന് കൊറിയന് വാര്ത്താ എജന്സി റിപ്പോര്ട്ട് ചെയ്തു. ഇരു രാജ്യങ്ങളുടെ പ്രതിനിധികള് തമ്മില് ഇനിയും ഇതുപോലുള്ള കൂടികാഴ്ചകള് നടത്താന് ധാരണയായി.സൈന്യത്തിന്റെ സാന്നിധ്യമില്ലാത്ത മേഖലയില് രണ്ടാം തവണയാണ് കിം ജോങ് ഉന്നും മൂണ് ജെ ഇന്നും കൂടികാഴ്ച നടത്തുന്നത്.
https://www.facebook.com/Malayalivartha