തെറി വിളിക്കുന്ന ആൾക്ക് നേരെ നിയമ നടപടി സ്വീകരിക്കാതെ തിരിച്ചും തെറി വിളിക്കുന്ന എംഎൽഎ പി.സി. ജോർജ്. സംഭവം ഇങ്ങനെ ;   

എസ്എൻഡിപി പ്രവർത്തകനാണെന്ന് സ്വയം പരിചയപ്പെടുത്തിയ ഒരാൾ പിസി ജോർജിനെ ഫോണിൽ വിളിക്കുന്നു. വളരെ സാവധാനം സംസാരിച്ചു തുടങ്ങുന്നു. എസ്എൻഡിപിക്കാരെ തെണ്ടികൾ എന്ന് വിളിച്ച കാര്യം ചോദിച്ചപ്പോൾ  എംഎൽഎ പരുങ്ങുന്നു. താൻ അങ്ങനൊന്നും പറഞ്ഞിട്ടില്ല ചാനൽകാർ എഡിറ്റ് ചെയ്തതാണെന്ന് മറുപടി. എന്നാൽ പിന്നെ മാനനഷ്ടത്തിന് കേസ് കൊടുക്കാൻ പാടില്ലേ എന്ന ഫോണിൽ വിളിച്ച ആൾ ചോദിക്കുന്നു. ഞാൻ ഇത്തരം നിസാര കാര്യങ്ങൾക്ക് കേസിനുപോകുന്ന ആളല്ല നൂറുകൂട്ടം ജോലിയുണ്ടെന്ന് പി.സി. മറുപടി നൽകി.

ഇത് പറഞ്ഞ ഉടനെ യുവാവ് പൊട്ടിത്തെറിച്ചു. പിന്നെ അങ്ങോട്ട്പച്ച തെറി. തന്നെ തന്റെ വീട്ടിൽ കയറി പണിയുമെന്ന് ഒടുവിൽ യുവാവിന് പിസിയുടെ ഭീക്ഷണി. നിലവിട്ട പിസി ഒടുവിൽ സമുദായ പേരുപറഞ്ഞ് തെറി വിളിക്കുന്നതായും ഓഡിയോയിൽ കേൾക്കാം. തെറി പറയുന്ന ആൾക്ക് നേരെ നിയമ നടപടി സ്വീകരിക്കാതെ തിരിച്ചും തെറി വിളിക്കുന്ന എംഎൽഎയുടെ സമീപനത്തിൽ കേരളം തലയിൽ കൈവക്കുന്നു.

കൂടുതൽ അറിയാൻ വീഡിയോ കാണൂ...