കണ്ണൂര്‍: തലശ്ശേരിയിലെ പഴയ ബസ്സ്റ്റാൻഡ് പരിസരത്ത് കടയിൽ വൻ തീപിടുത്തമുണ്ടായതായി റിപ്പോർട്ടുകൾ. ഒ.വി റോഡിലെ പരവതാനി ഷോപ്പിലാണ് ഇന്ന് ഉച്ചതിരിഞ്ഞ് തീപിടുത്തമുണ്ടായത്. അപ്രതീക്ഷിത തീപിടുത്തത്തിൽ ഇതുവരെയും ആർക്കും പരിക്കേറ്റതായി റിപ്പോർട്ടുകളില്ല.

മൂന്ന് കടകള്‍ പൂർണ്ണമായും തീപിടിത്തത്തില്‍ കത്തി നശിച്ചിട്ടുണ്ട്. സംഭവസ്ഥലത്ത് ഉടന്‍ തന്നെ അഗ്നിശമനസേനയെത്തി രക്ഷാപ്രവര്‍ത്തനം നടത്തിയതുകൊണ്ട് വൻ അപകടം ഒഴിവാക്കാനായി. അതേസമയം തീപിടിത്തം ഉണ്ടാകാനുള്ള കാരണം വ്യക്തമല്ല.