മദ്യപിച്ച് പണത്തെച്ചൊല്ലിയുള്ള തര്‍ക്കം കൊലപാതകത്തിലേക്ക് നയിച്ചു, വൃദ്ധനെ കൊന്ന് നിര്‍മ്മാണത്തിലിരിക്കുന്ന കടമുറിക്കുള്ളില്‍ കുഴിച്ചിട്ടു, ദൃശ്യം സിനിമയും തുണയായില്ല വിനയായത് മൃതദേഹത്തിന്റെ കാലുകള്‍
സിനിമാ ജീവിതം സ്വന്തം ജീവിതത്തില്‍ പകര്‍ത്താന്‍ ശ്രമിച്ചത് തുണയായില്ല. സിനിമയില്‍ മോഹന്‍ലാല്‍ കൊലപാതകത്തിന് ശേഷം മൃതദേഹം പണിയിലിരിക്കുന്ന പോലീസ് സ്റ്റേഷനില്‍ കുഴിച്ചിട്ടത് പോലെ കൊലപാതകത്തിന് ശേഷം മൃതദേഹം പണിയിലിരിക്കുന്ന കടമുറിക്കുള്ളിലെ മണല്‍ക്കൂനയിലൊളിപ്പിക്കാന്‍ ശ്രമിച്ചതു പുറംലോകമറിഞ്ഞത് തെളിവ് നശിപ്പിക്കുന്നതിനിടയിലെ ചെറിയ അശ്രദ്ധ. ഹരിപ്പാടിനടുത്ത് മുതുകുളം തൃക്കുന്നപ്പുഴയിലാണ് ''ദൃശ്യം'' മോഡല്‍ കൊലപാതകം നടന്നത്. ക്ഷേത്രത്തിനു വടക്കുഭാഗം നിര്‍മാണത്തിലിരിക്കുന്ന കടമുറിക്കുള്ളില്‍ വയോധികന്റെ മൃതദേഹം മണ്‍കൂനയില്‍ കുഴിച്ചുമൂടിയ നിലയില്‍ കണ്ടെത്തി. ചെട്ടികുളങ്ങര തട്ടക്കാട്ട് തെക്കതില്‍ ശിവശങ്കറിന്റെ(നീലാണ്ടന്‍) മൃതദേഹമാണു ദുരൂഹ സാഹചര്യത്തില്‍ കണ്ടെത്തിയത്. കൊട്ടാരക്കര, പുത്തൂരിലുള്ള ഭാര്യയും മകനും ഉള്‍പ്പെടെയുള്ളവരുമായി അകന്നു കഴിയുന്ന ഇയാള്‍ക്ക് അറുപതിനുമേല്‍ പ്രായമുണ്ട്. രണ്ടു വര്‍ഷമായി തൃക്കുന്നപ്പുഴ, ആറാട്ടുപുഴ ഭാഗങ്ങളില്‍ തോട്ടിപ്പണി ചെയ്താണ് കഴിഞ്ഞിരുന്നത്.
തോട്ടിപ്പണിയില്‍ ഇയാള്‍ക്കു രണ്ടു സഹായികള്‍കൂടിയുണ്ട്. ഇവരിലൊരാളായ മുരുകനാണ് ഇന്നലെ പുലര്‍ച്ചെ മൂന്നുമണിയോടെ തൃക്കുന്നപ്പുഴ പോലീസ് സ്റ്റേഷനില്‍ എത്തി സംഭവമറിയിച്ചത്. മൂന്നാമനായ സുകുമാരനാണു പ്രതിയെന്നും മുരുകന്‍ പോലീസിനോടു പറഞ്ഞു. സുകുമാരന്‍ ഒളിവിലാണ്. നടച്ചിറയില്‍ നാസറിന്റെ ഉടമസ്ഥതയിലുള്ള കടമുറിയിലാണു മൃതദേഹം കണ്ടെത്തിയത്. ഇതിനു സമീപം നിര്‍മാണം പൂര്‍ത്തിയാക്കാത്ത വീട്ടിലാണു മൂവരും താമസിച്ചിരുന്നത്. ബുധനാഴ്ച രാത്രി പത്തുമണിയോടെ മദ്യപിച്ചതിനുപിന്നാലെ സാമ്പത്തിക ഇടപാടു സംബന്ധിച്ച് മൂവരും തമ്മില്‍ തര്‍ക്കമുണ്ടായി. ഇതേത്തുടര്‍ന്ന് സുകുമാരന്‍ ശിവശങ്കറിനെ മര്‍ദിച്ചതായി മുരുകന്‍ പറയുന്നു. തുടര്‍ന്ന് സംസാരിക്കാനുണ്ടെന്നു പറഞ്ഞ് ഇവര്‍ കടമുറിക്കുള്ളില്‍ മണ്ണു കൂട്ടിയിട്ടിരുന്ന ഭാഗത്തേക്കുപോയി. പിന്നീടാണു കൃത്യം നടന്നത്. വിവരമറിഞ്ഞ് പോലീസ് എത്തുമ്പോള്‍ മണ്ണില്‍നിന്ന് കാലുകള്‍ മാത്രം പുറത്തു കാണാന്‍ പറ്റുന്ന നിലയിലായിരുന്നു മൃതദേഹം.
പുറത്തെടുത്ത മൃതദേഹത്തിന്റെ തലയുടെ ഭാഗത്ത് ചെറിയ മര്‍ദനമേറ്റതിന്റെ പാടുകളുമുണ്ട്. െകെകാലുകള്‍ െകെലി ഉപയോഗിച്ച് ബന്ധിച്ച നിലയിലുമായിരുന്നു. ഡോഗ് സ്‌ക്വാഡ്, വിരലടയാള വിദഗ്ധര്‍ എന്നിവരെത്തി തെളിവുകള്‍ ശേഖരിച്ചു. ചെങ്ങന്നൂര്‍ ആര്‍.ഡി.ഒ: എ.ഗോപകുമാറിന്റെ നേതൃത്വത്തില്‍ മൃതദേഹം ഇന്‍ക്വസ്റ്റ് തയാറാക്കി ആലപ്പുഴ മെഡിക്കല്‍ കോളജ് ആശുപത്രിയിലേക്കു മാറ്റി. ജില്ലാ പോലീസ് മേധാവി എ.അക്ബര്‍, കായംകുളം ഡി.െവെ.എസ്.പി: രാജേഷ്, ഹരിപ്പാട് സി.ഐ: ബിനു ശ്രീധര്‍ തുടങ്ങിയവര്‍ സംഭവസ്ഥലത്തെത്തി.
https://www.facebook.com/Malayalivartha
