കെ.എസ്.ആര്‍.ടി.സി പുതുമയുമായി ജനങ്ങളിലേയ്ക്ക്; കാര്‍ഡ് സംരംഭം 24 മുതല്‍ പ്രാബല്യത്തില്‍
കെ.എസ്.ആര്‍.ടി.സി പുതുതായി ആരംഭിക്കുന്ന യാത്രാ കാര്‍ഡ് സംരംഭം ഉടന്‍ പ്രാവര്‍ത്തികമാക്കും. നാല് തരത്തിലുള്ള കാര്‍ഡുകളാണ് യാത്രക്കാര്‍ക്കായി ലഭ്യമാക്കുന്നത്. ബ്രോണ്‍സ് കാര്‍ഡ്, സില്‍വര്‍ കാര്‍ഡ്, ഗോള്‍ഡ് കാര്‍ഡ്, പ്രീമിയം കാര്‍ഡ് എന്നിങ്ങനെ നാലുതരത്തിലായിരിക്കും കാര്‍ഡുകള്‍ ലഭ്യമാകുക. എന്നാല്‍ ബ്രോണ്‍സ് കാര്‍ഡ് ജില്ലയ്ക്കുള്ളിലെ യാത്രക്കാര്‍ക്കു മാത്രം ഉപയോഗിക്കാവുന്നതാണ്.
പദ്ധതി 24ആം തിയതി മുതല്ക്കായിരിക്കും നിലവില്‍ വരിക എന്ന് ഡിസ്ട്രിക്ട് ട്രാന്‍സ്‌പോര്‍ട്ട് ഓഫീസര്‍ ഡി.രാജേന്ദ്രന്‍ അറിയിച്ചു. കണ്ടക്ടര്‍മാര്‍ക്ക് ട്രെയിനിങ് നടന്നു വരുന്നതേയുള്ളൂവെന്നും അദ്ദേഹം പറഞ്ഞു. കുറച്ചു പേര്‍ക്ക് ട്രെയിനിങ് കഴിഞ്ഞിരുന്നു.
കണ്ടക്ടര്‍മാരുടെ അഭിപ്രായത്തില്‍ സംഗതി പ്രാബല്യത്തില്‍ വന്നാല്‍ മാത്രമേ അതിനെക്കുറിച്ച് ആധികാരികമായി പറയാന്‍ കഴിയുകയുള്ളൂ എന്ന് അറിയിച്ചു. ഇപ്പോഴുള്ള ടിക്കറ്റ് മെഷീനിലായിരിക്കും കാര്‍ഡ് നമ്പരുകള്‍ സെറ്റ് ചെയ്യുക.
എന്നാല്‍ ചില കണ്ടക്ടര്‍മാര്‍ ഇതൊന്നും അറിഞ്ഞില്ല എന്ന അവസ്ഥയാണ്, സര്‍ക്കുലര്‍ മാത്രമേ കണ്ടുള്ളൂ എന്നും വേറെ ഒരു വിവരവും അറിയില്ലെന്നും അവര്‍ പറയുന്നു. പൊതു ജനങ്ങള്‍ക്ക് ഈ സംവിധാനത്തെ പറ്റി വ്യക്തമായ അറിവ് ലഭിച്ചിട്ടില്ല.
https://www.facebook.com/Malayalivartha
