വെട്ടിത്തുറന്ന് പറഞ്ഞ് പിണറായി
ക്രിമിനല് സ്വഭാവമുള്ളവര് സിനിമ മേഖലയില് കൂടിവരുന്നതായി മുഖ്യമന്ത്രി പിണറായി വിജയന് അഭിപ്രായപ്പെട്ടു. സിനിമാരംഗത്തുള്ളവര് അധോലോകത്തെ വെല്ലുന്ന തരത്തിലുള്ള പ്രവര്ത്തനങ്ങള് നടത്തുന്നു. സിനിമയ്ക്കായി ആളുകളെ തെരഞ്ഞെടുക്കുമ്പോള് സൂക്ഷ്മത പുലര്ത്തണമെന്നും അദ്ദേഹം പറഞ്ഞു.
കൊച്ചിയില് സിനിമാ-ഗുണ്ടാ-റിയല് എസ്റ്റേറ്റ് മാഫിയ സംഘങ്ങള് വാഴുന്നുവെന്ന് നടനും മുന്മന്ത്രിയും എം.എല്.എയുമായ കെ.ബി.ഗണേഷ്കുമാര് നേരത്തെ അഭിപ്രായപ്പെട്ടിരുന്നു. ഇതിനോട് കൂട്ടിയോജിപ്പിക്കാവുന്ന വാക്കുകളാണ് ഇപ്പോള് മുഖ്യമന്ത്രി പിണറായി വിജയനും പ്രസ്താവിച്ചിരിക്കുന്നത്.
ഇതിന് മുമ്പും നിരവധി സ്ത്രീകളെ ഭീഷണിപ്പെടുത്തി പണം തട്ടിയിട്ടുണ്ട്. മുന്കാല സംഭവങ്ങള് കൂടി അന്വേഷിക്കണം, പുറത്ത് പറയാന് പറ്റാത്ത പല കാര്യങ്ങളും സംഭവിക്കുന്നുണ്ടെന്നും അവ മുഖ്യമന്ത്രിയെ അറിയിക്കുമെന്നും ഗണേഷ്കുമാര് പറഞ്ഞിരുന്നു.
ബോംബെയില് സിനിമാ, റിയല് എസ്റ്റേറ്റ് അധോലോക മാഫിയ വാഴുന്ന ഒരു കാലമുണ്ടായിരുന്നു. ഇപ്പോള് കൊച്ചിയിലും അതു പോലാണ്. കൊച്ചിയില് നടക്കുന്ന സിനിമകള് ശ്രദ്ധിച്ചാല് അത് മനസിലാകും.
കൊച്ചിയില് മാന്യന്മാരായ ഒരുപാട് നല്ല വ്യക്തികളുണ്ട്. എന്നാല് അവരെക്കുറിച്ചല്ല സിനിമ. എല്ലാ സിനിമകളും മമ്മൂട്ടിയും മോഹന്ലാലും അടക്കം അഭിനയിക്കുന്ന വലിയ സിനികമകളെല്ലാം നിലവാരം കുറഞ്ഞ ആളുകളുടെ, ഇത്തരം സാമൂഹ്യ വിരുദ്ധരുടെ സിനിമകളാണ്. അത് നമുക്ക് കാണുമ്പോള് അറിയാമല്ലോ എന്നും ഗണേഷ് അഭിപ്രായപ്പെട്ടിരുന്നു.
ഇതുസംബന്ധിച്ച പല കാര്യങ്ങളും തനിക്കറിയാമെന്നും എന്നാല് അവയെല്ലാം പൊതുസമൂഹത്തില് പറയാനാവില്ലെന്നും ഗണേഷ് കുമാര് വ്യക്തമാക്കിയിരുന്നു. താന് പറഞ്ഞ കാര്യങ്ങളെ കുറിച്ച് സിനിമാക്കാര്ക്ക് ആര്ക്കെങ്കിലും സംശയമുണ്ടെങ്കില് നേരിട്ട് വിളിച്ചാല് മതിയെന്നും ഗണേഷ് പറഞ്ഞു.
https://www.facebook.com/Malayalivartha