നടിക്കെതിരെ അക്രമം; പള്‍സര്‍ സുനിയേയും വിജീഷിനെയും 14 ദിവസത്തേക്ക് റിമാന്‍ഡ് ചെയ്തു
നടിയെ തട്ടിക്കൊണ്ടുപോയ കേസിലെ മുഖ്യപ്രതികളായ പള്‍സര്‍ സുനിയേയും വിജേഷിനേയും റിമാന്‍ഡ് ചെയ്തു. പ്രതികളെ 14 ദിവസത്തേക്ക് ജുഡീഷ്യല്‍ കസ്റ്റഡിയിലാണ് റിമാന്‍ഡ് ചെയ്തത്. ഉച്ചയ്ക്ക് 2.30-ഓടെ ആലുവ ജുഡീഷ്യല്‍ ഒന്നാംക്ലാസ് മജിസിട്രേറ്റിന്റെ വസതിയിലാണ് പ്രതികളെ ഹാജരാക്കിയത്.
ശിവരാത്രി പ്രമാണിച്ച് ഇന്ന് കോടതികള്‍ക്ക് അവധി ആയതിനാലാണ് മജിസ്‌ട്രേറ്റിന്റെ വസതിയില്‍ ഹാജരാക്കിയത്. മജിസ്‌ട്രേറ്റിന് മുന്‍പാകെ പ്രതികള്‍ ജാമ്യാപേക്ഷ സമര്‍പ്പിച്ചു. അതേസമയം കസ്റ്റഡിയില്‍ വിട്ടുകിട്ടണമെന്ന് ആവശ്യപ്പെട്ട് പൊലീസും അപേക്ഷ സമര്‍പ്പിച്ചിട്ടുണ്ട്.
14 ദിവസത്തേക്ക് പോലീസ് കസ്റ്റഡിയില്‍ വിട്ടെങ്കിലും ചെറുപുഞ്ചിരിയോട് കൂടിയാണ് പള്‍സര്‍ സുനി പോലീസ് വാനിലേക്ക് കയറിയത്. പള്‍സര്‍ സുനിയുടെ ആത്മവിശ്വാസത്തിന് പിന്നില്‍ എന്താണെന്ന് കണ്ടറിയണം.
വന്‍സുരക്ഷാ അകമ്പടിയോടെയാണ് പ്രതികളെ പൊലീസ് മജിസ്‌ട്രേറ്റിന് മുന്‍പില്‍ എത്തിച്ചത്.
https://www.facebook.com/Malayalivartha
