അടിക്ക് തിരിച്ചടിയും കൊലയ്ക്ക് പകരം കൊലയും ചെയ്തിട്ടുണ്ടെന്ന് കെ. സുരേന്ദ്രന്
വിവാദ പ്രസംഗവുമായി ബി.ജെ.പി ജനറല് സെക്രട്ടറി കെ.സുരേന്ദ്രന് രംഗത്ത്. സിപിഎമ്മുകാര്ക്ക് ഭീഷണി എന്ന തരത്തിലായിരുന്നു കെ.സുരേന്ദ്രന്റെ വിവാദ പ്രസംഗം. അടിക്ക് തിരിച്ചടിയും കൊലയ്ക്ക് പകരം കൊലയും ചെയ്തിട്ടുണ്ടെന്ന് സുരേന്ദ്രന്. മംഗലാപുരത്ത് ബി.ജെ.പി സംഘടിപ്പിച്ച പരിപാടിയിക്കിടെയാണ് സുരേന്ദ്രന്റെ വിവാദ പ്രസംഗം. എന്നാല് ഇപ്പോള് ഞങ്ങള് അടിക്ക് പകരം അടിയില്ല..കൊലയ്ക്ക് പകരം കൊലയില്ല.. പക്ഷേ നിങ്ങളെ വെറുതെ വിടില്ല ഞങ്ങള്..' എന്നാണ് സിപിഎമ്മുകാരോടായി കെ സുരേന്ദ്രന്റെ ഭീഷണി.
'കഴിഞ്ഞതിന്റെ മുമ്ബത്തെ കൊല്ലം ഞങ്ങള്ക്ക് അഞ്ചുലക്ഷമേ ഉണ്ടായിരുന്നുള്ളൂ. ഇപ്പം മുപ്പത് ലക്ഷം വോട്ട് കിട്ടിയിട്ടുണ്ട്. ആ അഞ്ചുലക്ഷം കിട്ടിയ സമയത്ത്, രണ്ടുശതമാനം വോട്ട് കിട്ടിയ സമയത്ത് ഓരോ അടിക്കും ഞങ്ങള് തിരിച്ചടിച്ചിട്ടുണ്ട്. ഓരോ കൊലയ്ക്കും ഞങ്ങള് തിരിച്ചു കൊടുത്തിട്ടുമുണ്ടെന്നാണ് കെ.സുരേന്ദ്രന് പറഞ്ഞത്.
നാളെ കേരള മുഖ്യമന്ത്രി പിണറായി വിജയന്റെ സന്ദര്ശനത്തോടനുബന്ധിച്ച് മംഗളുരുവില് സംഘപരിവാര് സംഘടനകള് ഹര്ത്താലും പ്രതിഷേധവും സംഘടിപ്പിച്ചിട്ടുണ്ട്. പ്രതിഷേധത്തെ തുടര്ന്ന് മംഗളുരു കോര്പ്പറേഷന് പരിധിയില് നിരോധനാജ്ഞ പ്രഖ്യാപിച്ചിട്ടുണ്ട്.
https://www.facebook.com/Malayalivartha