ഭാര്യയെയും മക്കളെയും കഴുത്തറുത്ത് കൊന്ന് ഗൃഹനാഥന് വിഷം കഴിച്ച് ആത്മഹത്യ ചെയ്തു
കുന്നംകുളം കേച്ചേരിയില് അഞ്ചംഗ കുടുംബത്തെ വീടിനുള്ളില് മരിച്ച നിലയില് കണ്ടെത്തി. ഭാര്യയെയും മക്കളെയും കഴുത്തറുത്ത് കൊന്ന് ഗൃഹനാഥന് വിഷം കഴിച്ച് ആത്മഹത്യ ചെയ്തതാണെന്നാണ് പ്രാഥമിക നിഗമനം.
കേച്ചേരി ആനങ്ങാടി ജനശക്തി റോഡില് മുള്ളന്കുഴിയില് ജോണി ജോസഫ് (48), ഭാര്യ സോമ (35) മക്കളായ ആഷ്ലി ജോണ് (11), ആന്സണ് ജോണ് (9), ആന്മേരി (7) എന്നിവരാണ് മരിച്ചത്. കേച്ചേരി സെന്ററിലെ സ്റ്റേഷനറി വ്യാപാരിയാണ് ജോണി.
വെള്ളിയാഴ്ച കട തുറന്നിരുന്നില്ല. വിവരങ്ങള് അന്വേഷിച്ച് സുഹൃത്ത് രാത്രി എട്ടോടെ വീട്ടിലെത്തി വാതിലിനിടയിലൂടെ നോക്കിയപ്പോള് മുറിയില് രക്തമൊഴുകുന്നത് കാണുകയായിരുന്നു. പൊലീസെത്തി വാതില് തുറന്നപ്പോഴാണ് കിടപ്പുമുറിയില് അഞ്ചുപേരേയും മരിച്ച നിലയില് കണ്ടത്.
ഡിവൈഎസ്പി വിശ്വംഭരന്, സിഐ രാജേഷ് കെ മേനോന്, എസ്ഐ പി പി ഫര്ഷാദ് എന്നിവരുടെ നേതൃത്വത്തില് പൊലീസ് സംഘം സ്ഥലത്തെത്തി. അന്വേഷണം ആരംഭിച്ചെന്നും പൊലീസ് അറിയിച്ചു.
https://www.facebook.com/Malayalivartha