നീതി ലഭിക്കുംവരെ പോരാടും... അക്രമത്തിന് ഇരയായ നടി ഇന്ന് മാധ്യമങ്ങളെ കാണുന്നത് മാറ്റി വച്ചു; തിരിച്ചറിയില് പരേഡിനുശേഷം നാളെ മാത്രമേ മാധ്യമങ്ങളെ കാണുകയുള്ളൂ
ഓടുന്ന വാഹനത്തില് അതിക്രമത്തിന് ഇരയായ യുവനടി വിവാദ സംഭവങ്ങള്ക്കുശേഷം ആദ്യമായി നടി മാധ്യമങ്ങളെ കാണുന്നു. ഇന്നു മാധ്യമങ്ങളെ കാണുമെന്ന് അറിയിച്ചിരുന്നെങ്കിലും തീരുമാനം മാറ്റി. പ്രതികളുടെ തിരിച്ചറിയില് പരേഡിനുശേഷം നാളെ മാധ്യമങ്ങളെ കാണാനാണ് പുതിയ തീരുമാനം.
രാവിലെ 10.30ന് നടി മാധ്യമങ്ങള്ക്കു മുന്നിലെത്തുമെന്നാണ് അറിയിച്ചിരിക്കുന്നത്. ഇതിനിടെ നീതി ലഭിക്കും വരെ പോരാടുമെന്ന് രമ്യാ നമ്പീശന് പറഞ്ഞു.
അതേസമയം പൃഥ്വിരാജ് നായകനാകുന്ന പുതിയ ചിത്രത്തിന്റെ ഷൂട്ടിങ്ങിനായി നടി ഫോര്ട്ട് കൊച്ചിയിലെ ഷൂട്ടിങ് ലൊക്കേഷനിലെത്തി. തുടര്ന്നാണ് മാധ്യമ പ്രവര്ത്തകരെ കാണുന്ന വിവരം പുറത്തായത്.
നടിയെ തട്ടിക്കൊണ്ടുപോയ കേസുമായി ബന്ധപ്പെട്ട് പിടിയിലായ പ്രതികളുടെ തിരിച്ചറിയല് പരേഡ് ഇന്നു നടത്തും. കാക്കനാട് സബ് ജയിലില് ഉച്ചയ്ക്ക് 12നാണ് തിരിച്ചറിയില് പരേഡ്. പ്രതികളായ പള്സര് സുനി, വിജീഷ്, മണികണ്ഠന് തുടങ്ങിയ പ്രതികളുടെ തിരിച്ചറിയല് പരേഡാണ് നടക്കുക.
കൂടുതല് ചോദ്യംചെയ്യാനായി പ്രതികളെ കസ്റ്റഡിയില് വാങ്ങാന് പൊലീസ് സമര്പ്പിച്ച അപേക്ഷ ഇന്നു പരിഗണിക്കും. പ്രതികള് അറസ്റ്റിലായി 24 മണിക്കൂര് കഴിയുംമുന്പ്, ഇന്നലെ ഉച്ചയ്ക്കു 2.30നു സുനില്കുമാറിനെയും കൂട്ടുപ്രതി തലശേരി സ്വദേശി വിജീഷിനെയും അന്വേഷണ സംഘം ആലുവ മജിസ്ട്രേട്ടിന്റെ വസതിയില് നേരിട്ടു ഹാജരാക്കി റിമാന്ഡ് ചെയ്തു. ആദ്യഘട്ട ചോദ്യം ചെയ്യല് പൂര്ത്തിയാക്കി ഇന്നലെ പുലര്ച്ചെ പ്രതികളുടെ സാന്നിധ്യത്തില് അന്വേഷണ സംഘം തെളിവെടുപ്പു നടത്തിയ ശേഷമാണു മജിസ്ട്രേട്ട് മുന്പാകെ ഹാജരാക്കിയത്.
https://www.facebook.com/Malayalivartha