സീരിയലുകളിലും ഹ്രസ്വസിനിമകളിലും ബാലതാരമായി അഭിനയിക്കുന്ന പെണ്കുട്ടിയെ കൊല്ലം നഗരത്തിലെ വ്യവസായ പ്രമുഖരുടെ മക്കള് കൂട്ടബലാത്സംഗത്തിനിരയാക്കി
സംഭവത്തില് പരാതിയുമായി വനിതാസെല്ലില് എത്തിയ പെണ്കുട്ടിയേയും മാതാവിനെയും വനിതാ സി.ഐ. അപമാനിച്ചിറക്കിവിട്ടു. തുടര്ന്ന് ഇവര് കമ്മിഷണര്ക്കു പരാതി നല്കിയതിനേത്തുടര്ന്ന് ഒരാള് അറസ്റ്റില്. ബാക്കി പ്രതികളെ രക്ഷിച്ചെടുക്കാന് പോലീസിന്റെ തിരക്കിട്ട നീക്കം.
കുളപ്പാടം പുളിവിളവീട്ടില് അബ്ദുള് സലാമിന്റെ മകന് െഫെസല്(27)ആണ് പിടിയിലായത്. െഫെസലിന്റെ മാതാവ് നെടുംമ്പന ഗ്രാമപഞ്ചായത്തിലെ സി.പി.എം. മെമ്പറാണ്. എട്ടു മാസം മുമ്പാണു പെണ്കുട്ടി കൂട്ടബലാത്സംഗത്തിനിരയാതെങ്കിലും കഴിഞ്ഞാഴ്ചയാണ് പെണ്കുട്ടിയും മാതാവും പരാതി നല്കാനായി വനിതാ സെല്ലില് എത്തിയത്. എന്നാല് പീഡനത്തിനുപിന്നില് വ്യവസായ പ്രമുഖരുടെ മക്കളാണെന്ന് അറിയിച്ചപ്പോള് കേസ് ഒത്തുതീര്പ്പാക്കാന് വനിതാസെല് സി.ഐ. ശ്രമിച്ചെന്നാണു പരാതിക്കാരുടെ ആരോപണം.
പീഡനപരാതി പിന്വലിച്ച് ഇരുവിഭാഗങ്ങളുമായി ഒത്തുതീര്പ്പു ചര്ച്ചനടത്താനാണ് സി.ഐ. ശ്രമിച്ചതെന്നും പരാതി സ്വീകരിക്കില്ലെന്നു നിലപാടെടുത്തതായും ഇവര് പറയുന്നു. ഇതേത്തുടര്ന്നു കഴിഞ്ഞ ദിവസം ഇവര് സിറ്റി പോലീസ് കമ്മിഷണറുടെ ഓഫീസില് നേരിട്ടെത്തി എസ്.പി. സതീഷ് ബിനോയ്ക്കു പരാതി നല്കി.
ഉടന് തന്നെ വനിതാ സി.ഐയ്ക്കും ഈസ്റ്റ് സി.ഐയ്ക്കും പരാതി െകെമാറുകയും െഫെസലിനെ പിടികൂടുകയുമായിരുന്നു. മുണ്ടയ്ക്കലിലെ ആളൊഴിഞ്ഞ വീട്ടിലാണു പെണ്കുട്ടിയെ മൂന്നുപേര് ചേര്ന്നു ബലാത്സംഗത്തിനിരയാക്കിയത്. സിനിമാ ലൊക്കേഷനിലേക്കെന്നു പറഞ്ഞാണു പെണ്കുട്ടിയെ കാറില് ഇവിടെ എത്തിച്ചത്.
പ്രതികളില് ഒരാളുടെ പിറന്നാള് ആഘോഷം കഴിഞ്ഞശേഷം ലൊക്കേഷനിലേക്കു പോകാമെന്നായിരുന്നു വീട്ടിലെത്തിച്ച കുട്ടിയോട് ഇവര് പറഞ്ഞത്. തുടര്ന്നു പിറന്നാള് ആഘോഷത്തിനിടെ മൂവരും പെണ്കുട്ടിയെ ബലാത്സംഗംചെയ്യുകയായിരുന്നെന്നു മാതാവ് നല്കിയ പരാതിയില് പറയുന്നു. പീഡനദൃശ്യങ്ങള് സോഷ്യല് മീഡിയാവഴി പ്രചരിപ്പിക്കുമെന്നു പ്രതികള് ഭീഷണി മുഴക്കിയതോടെയാണു പരാതി നല്കാന് തീരുമാനിച്ചതെന്നു പെണ്കുട്ടിയുടെ മാതാവ് പറഞ്ഞു.
സ്റ്റേഷന് ഭരിച്ചത് െഫെസലിന്റെ സുഹൃത്തുക്കള്
അറസ്റ്റിലായ െഫെസലിന്റെ മുഖം മാധ്യമങ്ങളില് വരാതിരിക്കാന് പോലീസ് നടത്തിയത് വഴിവിട്ട നീക്കം. അറസ്റ്റിലായ പ്രതിയെ മജിസ്ട്രേറ്റിന്റെ വീട്ടിലേക്കുകൊണ്ടു പോകാനായി െഫെസലിന്റെ സുഹൃത്തുക്കളെ പോലീസ് സ്റ്റേഷനിലേക്ക് വിളിച്ചു വരുത്തി.
സ്റ്റേഷനില് എത്തിയ െഫെസലിന്റെ സുഹൃത്തുക്കള് പോലീസ് സ്റ്റേഷനുള്ളില് കയറി പ്രതിയെ ഇറക്കിക്കൊണ്ടു വന്നു മജിസ്ട്രേറ്റിന് മുമ്പില് ഹാജരാക്കാനായി പോലീസ് ജീപ്പിലേക്ക് കയറ്റി. ഇതിനിടെ െഫെസലിന്റെ മുഖം മാധ്യമങ്ങളില് വരാതിരിക്കാനായി മാധ്യമപ്രവര്ത്തകരെ തള്ളി നീക്കാനും ഇവര് ശ്രമം നടത്തി. സുഹൃത്തുക്കളുടെ വലയത്തിലാണ് െഫെസലിനെ മജിസ്ട്രേറ്റിന്റെ വീട്ടില് എത്തിച്ചത്.
https://www.facebook.com/Malayalivartha