മൂന്നാര്‍ വിഷയം വീണ്ടും എല്ലാവര്‍ക്കും കീറാമുട്ടിയാകുന്നു: ദേവികുളം സബ് കളക്ടറെ മാറ്റണമെന്ന ആവശ്യം സി പി ഐ തള്ളി
മൂന്നാര്‍ കൈയേറ്റം വീണ്ടും വാര്‍ത്തയാക്കിയ ദേവികുളം സബ് കളക്ടറെ നീക്കണമെന്ന സി പി എമ്മിന്റെ ആവശ്യം സിപിഐ തള്ളി. പുതിയ വിവാദങ്ങള്‍ക്ക് പിന്നില്‍ വി എസും അദ്ദേഹത്തിന്റെ വിശ്വസ്തന്‍ കെ സുരേഷ്‌കുമാറുമാണെന്ന് സി പി എം ആരോപിക്കുന്നു. ദേവികുളം സബ് കളക്ടര്‍ ശ്രീറാം വിഎസിന്റെ കൈയിലെ ചട്ടുകമാണെന്നും സി പി എം രഹസ്യമായി ആരോപിക്കുന്നു
ഒരാഴ്ച മുമ്പ് പഴയ മുന്നാര്‍ പൂച്ച കെ.സുരേഷ് കുമാര്‍ മൂന്നാറിലെത്തിയിരുന്നു.മൂന്നാര്‍ ഒഴിപ്പിക്കല്‍ വീണ്ടും തുടങ്ങാനുള്ള ഒരുക്കത്തിലായിരുന്നു ശ്രീറാം. സുരേഷ് കുമാര്‍ മൂന്നാറിലെത്തിയത് ശ്രീറാമിന് പഴയ ഒഴിപ്പിക്കലിനെ കുറിച്ച് വിവരം നല്‍കാനാണെന്നാണ് സി പി എം കരുതുന്നത് .ഇതില്‍ സംശയം തോന്നിയതുകൊണ്ടാണ് പൂച്ചയെ സി പി എം പ്രവര്‍ത്തകര്‍ വഴിയില്‍ തടഞ്ഞത്.തടയുമ്പോള്‍ സുരേഷ് കുമാര്‍ ദേവികുളം സബ് കളക്ടറുടെ കാറില്‍ സഞ്ചരിക്കുകയായിരുന്നു.
വിഎസിന്റെ നിര്‍ദ്ദേശാനുസരണമാണ് സുരേഷ് കുമാര്‍ എത്തിയതെന്നത് ശരിയാണ്. മൂന്നാര്‍ ഓപ്പറേഷന്‍ വീണ്ടും ആരംഭിക്കണമെന്ന് സിപിഐ വി എസിനോട് പറയുമ്പോള്‍ അദ്ദേഹമാണ് സുരേഷ് കുമാറിനെ നിര്‍ദ്ദേശിച്ചത്. മന്ത്രി ചന്ദ്രശേഖരനും കാനം രാജേന്ദ്രനും ഇക്കാര്യം സമ്മതിച്ചു.സര്‍ക്കാരിനെയും എം എം മണിയെയും പ്രതിസന്ധിയിലാക്കാനാണ് സി പി ഐ യുടെ പുറപ്പാട്. ഇതോടെ ഒരു ഇടവേളക്ക് ശേഷം സി പി എം ,സി പി ഐ തര്‍ക്കം വീണ്ടും ആരംഭിക്കുകയാണ്.
അതിനിടെ വ്യാഴാഴ്ച ഇടുക്കിയിലെത്തിയ മന്ത്രി മണി വി എസിനെ കടന്നാക്രമിച്ചു. ടാറ്റാക്കെതിരെ തങ്ങളെ കൊണ്ട് സമരം ചെയ്യിച്ച വി എസ് ഇപ്പോള്‍ എന്തുകൊണ്ടാണ് അതിനെ കുറിച്ച് സംസാരിക്കാത്തതെന്ന് അദ്ദേഹം ചോദിച്ചു.ഇതിനര്‍ത്ഥം വി എസ് ടാറ്റായുമായി കരാറുണ്ടാക്കി എന്നതാണ്. പ്രതിപക്ഷത്തെ നാറികള്‍ എന്നാണ് അദ്ദേഹം വിശേഷിപ്പിച്ചത്.
അതിനിടെ ചിത്തിരപുരത്ത് കൈയേറ്റങ്ങള്‍ ഒഴിപ്പിക്കാന്‍ ആരംഭിച്ചു.ദേവി കളം എം എല്‍ എ രാജേന്ദ്രന്‍ ലാന്റ് റവന്യം കമ്മീഷണര്‍ക്കെതിരെ രംഗത്തെത്തി. അദ്ദേഹം കഥ എഴുത്തുകാരനാണെന്നാണ് രാജേന്ദ്രന്‍ പറഞ്ഞത്.
https://www.facebook.com/Malayalivartha
