മംഗളം കൈ കഴുകിയതോടെ എല്ലാ പ്രശ്നവും തീര്ന്നോ? ശശീന്ദ്രന്റെ പോയ മാനം തിരിച്ചുകൊടുക്കുമോ?
ആരോപണം ഉണ്ടായ ഉടന് തന്നെ രാജി. കരുതലോടെയുള്ള സര്ക്കാരിന്റെ നീക്കങ്ങള്. മറുവശത്തു മാധ്യമപ്രവര്ത്തകരെ ഈ അധാര്മ്മികതക്കെതിരെ ഒന്നിച്ചണിനിരത്തുന്നതില് കൈരളിയും റിപ്പോര്ട്ടറും ഒരുമിച്ചു നീങ്ങുന്നു. ഒടുവില് ക്രൈം ബ്രാഞ്ച് അന്വേക്ഷണവും.
സത്യം മറച്ചുവച്ചു കള്ളം പ്രചരിപ്പിച്ചുള്ള മാധ്യമപ്രവര്ത്തനത്തെ സോഷ്യല് മീഡിയ ഒറ്റക്കെട്ടായി എതിര്ക്കുന്നു. പരസ്യസംവാദങ്ങളിലൊക്കെ മംഗളം സി ഇ ഓ യെ മറ്റുള്ളവര് വെള്ളം കുടിപ്പിച്ചു. അജിത് കുമാര് കൈ കഴുകിയതോടെ എല്ലാ പ്രശ്നവും തീര്ന്നോ. ശശീന്ദ്രന്റെ മന്ത്രിസ്ഥാനം, മാനം എന്നത് തിരിച്ചുകൊടുക്കുമോ? സഹായമഭ്യര്ത്ഥിച്ച വീട്ടമ്മയെ ലൈംഗികമായ് അധിക്ഷേപിച്ചു എന്നല്ലേ വാര്ത്ത കൊടുത്തത്. ചാനല് കണ്ട ജനങ്ങള്ക്ക് കള്ള വാര്ത്ത കൊടുത്ത് വഞ്ചിച്ചതിനു ആരു പ്രായ്ശ്ചിത്തം ചെയ്യും .
വാര്ത്ത പുറത്തുവന്നതിനുശേഷം മാധ്യമപ്രവര്ത്തകരുള്പ്പെടെ രൂക്ഷമായ വിമര്ശനമാണ് ഉന്നയിച്ചത്. അതില് പലരും ഞങ്ങളുടെ ഗുരുസ്ഥാനീയരുമാണ്. അതുകൊണ്ട് തന്നെ വിമര്ശനങ്ങളെ ഉള്ക്കൊള്ളുന്നു. സോഷ്യല് മീഡിയയിലും മാധ്യമങ്ങളിലും ഉയര്ന്ന വ്യാപക വിമര്ശനങ്ങളും ഞങ്ങളെ സ്വാധീനിച്ചിട്ടുണ്ട്.
പത്രപ്രവര്ത്തക യൂണിയനും വനിതാമാധ്യമപ്രവര്ത്തകര്ക്കുമുണ്ടായ ബുദ്ധിമുട്ടില് നിര്വ്യാജം ഖേദിക്കുകയാണ്. വാര്ത്ത പൂര്ണരൂപത്തില് മുന്കരുതലെടുക്കാതെയാണ് സംപ്രേഷണം ചെയ്തത്. ഇത് തിരിച്ചറിയുന്നു. വ്യാപകമായ സത്യവിരുദ്ധ പ്രചാരണം നടക്കുന്നതുകൊണ്ടാണ് ഇതെല്ലാം വെളിപ്പെടുത്തുന്നത്. സംഭവിച്ച തെറ്റുകള് ഇനിയൊരിക്കലും ആവര്ത്തിക്കില്ല.
തെറ്റുകള് ആവര്ത്തിക്കാതിരിക്കാനുള്ള സംവിധാനം ഏര്പ്പെടുത്തുമെന്നും അജിത്ത് കുമാര് പറഞ്ഞു. മംഗളം തിന്മക്കെതിരായ പോരാട്ടം തുടരും. ഒരു വീഴ്ചയുടെ പേരില് ഈ മാധ്യമസംരംഭത്തെ തകര്ക്കാന് ശ്രമിക്കരുതെന്ന അഭ്യര്ത്ഥനയോടെയാണ് അജിത്ത് കുമാര് സംഭാഷണം അവസാനിപ്പിക്കുന്നത്. ജുഡീഷ്യല് കമ്മീഷന് മുമ്പാകെ ഇക്കാര്യം പറയാനിരിക്കുകയായിരുന്നുവെന്നും അജിത്ത് പറഞ്ഞു.
മംഗളം ആ നാണക്കേട് ഇപ്പോള് പൂര്ത്തയാക്കി. ഒരു മനുഷ്യന്റെ കരിയറും കുടുംബവും തകര്ത്ത് എന്നല്ലാതെ എന്തെങ്കിലും പ്രയോജനം ഉണ്ടായോ? പരാതിയുമായി ചെന്ന വീട്ടമ്മയെ വശീകരിച്ചു വഴിപിഴപ്പിച്ചു എന്നിടത്തുമാത്രമായിരുന്നു ജനങ്ങളുടെ പിന്തുണ.. എന്നാല് അതൊരു വ്യാജ നിര്മിതി ആയിരുന്നു എന്ന് സമ്മതിച്ചതുകൊണ്ടു കേസ് എടുത്തു മുന്പോട്ടു പോകണം. മാത്രമല്ല മന്ത്രി ശശീന്ദ്രനോട് തിരിച്ചു സത്യപ്രതിജ്ഞ ചെയ്യാന് പറയണം. ഇത്തരം തൊട്ടിത്തരങ്ങള് വാര്ത്ത ആക്കുന്ന രീതിക്കു അറുതി വരുത്താന് നിയമ നിര്മാണം വേണം.
https://www.facebook.com/Malayalivartha