നഴ്സറി ടീച്ചര്മാരുടെയും അംഗനവാടി ആയമാരുടെയും സ്റ്റൈപ്പന്റ് സംസ്ഥാന സര്ക്കാര് കുത്തനെ വര്ധിപ്പിച്ചു
സംസ്ഥാനത്തെ ഗ്രാമപഞ്ചായത്തുകളിലും, നഗരസഭകളിലും പതിനൊന്നിന പരിപാടിയുടെ ഭാഗമായി ആരംഭിച്ച സാംസ്കാരിക നിലയങ്ങളിലും ശിശുമന്ദിരങ്ങളിലും ലൈബ്രേറിയന്, നേഴ്സറി ടീച്ചര്, ആയ തസ്തികകളില് ജോലി ചെയ്തുവരുന്നവരുടെ ഓണറേറിയം വര്ദ്ധിപ്പിച്ച് സര്ക്കാര് ഉത്തരവായി. നിലവില് ലൈബ്രേറിയന്, നേഴ്സറി ടീച്ചര് തസ്തികകളില് ജോലി ചെയ്തിരുന്നവര്ക്ക് 2050 രൂപയാണ് ഓണറേറിയം നല്കിയിരുന്നത്. ഇത് 12,000 രൂപയാക്കി വര്ദ്ധിപ്പിച്ചു. ആയമാരുടെ ഓണറേറിയം 1400 രൂപ എന്നത് 8000 ആക്കി വര്ദ്ധിപ്പിച്ചു.
അങ്കണവാടി ജീവനക്കാരുടെ പെന്ഷന് ഇരട്ടിയായി ഉയര്ത്തിയും സര്ക്കാര് ഉത്തരവായി. കഴിഞ്ഞ ദിവസമാണ് സാമൂഹ്യ നീതിവകുപ്പ് അങ്കണവാടി വര്ക്കറുടെയും ഹെല്പ്പറുടെയും പെന്ഷന് ഉയര്ത്തി ഉത്തരവിട്ടത്. വര്ക്കറുടെ പെന്ഷന് പ്രതിമാസം 1000 രൂപയായും ഹെല്പ്പറുടേത് 600 രൂപയായും വര്ധിപ്പിച്ചു. ഏപ്രില് ഒന്നുമുതല് പ്രാബല്യമാകും വിധമാണ് ഉത്തരവ്. നിലവില് വര്ക്കര്ക്ക് പ്രതിമാസം 500 രൂപയും ഹെല്പ്പര്ക്ക് 300 രൂപയുമായിരുന്നു പെന്ഷന്. 2016 17 ബജറ്റില് പെന്ഷന് ഉയര്ത്തുമെന്ന് സര്ക്കാര് പ്രഖ്യാപിച്ചിരുന്നു.
വര്ധനയുമായി ബന്ധപ്പെട്ട് വിശദമായ നിര്ദേശങ്ങള് സമര്പ്പിക്കാന് സാമൂഹ്യനീതി ഡയറക്ടറോട് ആവശ്യപ്പെട്ടു. കേരള അങ്കണവാടി വര്ക്കേഴ്സ് ആന്ഡ് ഹെല്പ്പേഴ്സ് ക്ഷേമനിധി ചീഫ് എക്സിക്യൂട്ടീവ് ഓഫീസറുടെ നിര്ദേശങ്ങളും ലഭ്യമാക്കി. തുടര്ന്ന് സര്ക്കാര് ഇത് വിശദമായി പരിശോധിക്കുകയും പെന്ഷന് ഉയര്ത്തി ഉത്തരവിടുകയുമായിരുന്നു. അങ്കണവാടി വര്ക്കേഴ്സ് ആന്ഡ് ഹെല്പ്പേഴ്സ് ക്ഷേമനിധിയില്നിന്നാകും തുക ലഭ്യമാക്കുക. കഴിഞ്ഞ എല്ഡിഎഫ് സര്ക്കാരാണ് അങ്കണവാടി ജീവനക്കാര്ക്ക് പെന്ഷന് ഏര്പ്പെടുത്തിയത്. യുഡിഎഫ് അധികാരത്തിലെത്തിയശേഷം പെന്ഷന് ഉയര്ത്തണമെന്ന് ആവശ്യപ്പെട്ടെങ്കിലും അവഗണിക്കുകയായിരുന്നു.
https://www.facebook.com/Malayalivartha