ഈ പോലീസുകാരെ എന്തുചെയ്യുമെന്ന് ഹരീഷ് സാല്വയോട് സര്ക്കാര്: കൂടാതെ സെന്കുമാറിനെ അനുകൂലിച്ച് നിയമ സെക്രട്ടറി വെട്ടിലായി
സി പി ഐ യെ പോലും വിശ്വാസമില്ലാത്ത സി പി എം എങ്ങനെയാണ് സെന്കുമാറിനെ തിരിച്ചെടുക്കണമെന്ന് റിപ്പോര്ട്ട് എഴുതി നല്കിയ നിയമ സെക്രട്ടറിയെ വിശ്വസിക്കുക? അങ്ങനെ ഉമ്മന് ചാണ്ടി സര്ക്കാരിന്റെ കാലത്ത് നിയമിതനായ നിയമ സെക്രട്ടറി സര്ക്കാരിന് അനഭിമതനായി. സെന്കുമാറിന് അനുകുലമായി റിപ്പോര്ട്ട് എഴുതിയത് മാത്രമല്ല അദ്ദേഹത്തിന്റെ കുറ്റം. പ്രസ്തുത റിപ്പോര്ട്ട് പത്രങ്ങള്ക്ക് ചോര്ത്തി കൊടുത്തത് കൂടിയാണ്.
നിയമ സെക്രട്ടറി ബി.ജി.ഹരീന്ദ്രനാഥ് പരിണിതപ്രജ്ഞനായ നിയമജ്ഞനാണ്. അദ്ദേഹം മുതിര്ന്ന ജില്ലാ ജഡ്ജിയുമാണ്. ഹൈക്കോടതി ജഡ്ജിയാവാന് സാധ്യതയുള്ളവരുടെ ചുരുക്ക പട്ടികയിലും അദ്ദേഹമുണ്ട്.
സുപ്രീം കോടതി ഒരു ഉത്തരവ് പാസാക്കിയാല് അത് അനുസരിക്കാന് മാത്രമേ നിയമ ലോകത്തിനു കഴിയാറുള്ളു. നിയമവകുപ്പിനും അങ്ങനെ മാത്രമാണ് സാധിക്കുക. വേണമെങ്കില് ചില നീക്കുപോക്കുകള് നിര്ദ്ദേശിക്കാം.
സുപ്രീം കോടതി ഉത്തരവ് അനുസരിച്ച് സെന്കുമാറിനെ നിയമിക്കണമെന്നാണ് നിയമസെക്രട്ടറി എഴുതി കൊടുത്തത്. നിയമിച്ചില്ലെങ്കില് ചീഫ് സെക്രട്ടറിയെ സുപ്രീം കോടതി വിളിച്ചു വരുത്തുമെന്നും പറഞ്ഞു. പിണറായിയെ സംബന്ധിച്ചടത്തോളം ഇത്തരം സാരോപദേശങ്ങളിലൊന്നും വിശ്വസിക്കുന്നില്ല. സെന്കുമാറിനോട് തനിക്ക് താത്പര്യമില്ലെങ്കില് അതാണു നിയമം. ഇതിന് വിപരീതമായി ആരു സംസാരിച്ചാലും അത് മുഖ്യ ന്റെ എതിര്പ്പിന് കാരണമാകും.
ഉമ്മന് ചാണ്ടി സര്ക്കാരിന്റെ കാലത്ത് അഡ്വക്കേറ്റ് ജനറലായിരുന്ന ദണ്ഡപാണിയുടെ ജൂനിയറായിരുന്നു ഹരീന്ദ്രനാഥ്. ദണ്ഡപാണി ഇപ്പോഴും ഉമ്മന് ചാണ്ടിയുടെ വിശ്വസ്തനാണ്. സെന്കുമാര് ആകട്ടെ ഉമ്മന്ചാണ്ടിയുടെ വിശ്വസ്തനും. പുന:പരിശോധനാ ഹര്ജി സര്ക്കാര് കൊടുക്കാനിരിക്കെ ധൃതി പിടിച്ച് ഇത്തരമൊരു ഉപദേശം നിയമ സെക്രട്ടറി നല്കിയതില് സര്ക്കാര് ആശയക്കുഴപ്പത്തിലാണ്. പുന:പരിശോധനാ ഹര്ജി നല്കുന്നതിലെ അപാകതയും നിയമ സെക്രട്ടറി ചൂണ്ടി കാണിക്കുന്നു . വിധി പകര്പ്പ് കിട്ടാന് കാത്തിരിക്കേണ്ടതില്ലെന്നും റിപ്പോര്ട്ടിലുണ്ട്. സുപ്രീം കോടതി വെബ് സൈറ്റില് ഉത്തരവിന്റെ പകര്പ്പ് ഉണ്ടെന്നും നിയമ സെക്രട്ടറി റിപ്പോര്ട്ട് ചെയ്യുന്നു.
സെന്കുമാറിനെ നിയമിക്കാന് ആര്ക്കാണ് ധൃതി എന്നാണ് സര്ക്കാര് ചോദിക്കുന്നത്. സര്ക്കാരിനു വേണ്ടി സുപ്രീം കോടതിയില് ഹാജരായ അഭിഭാഷകനില് നിന്നും സര്ക്കാര് വിശദീകരണം ആവശ്യപ്പെട്ടതിനിടയിലാണ് നിയമ സെക്രട്ടറിയുടെ ഉപദേശം ലഭിച്ചത്. ഇനി നിയമ സെക്രട്ടറിയുടെ കാര്യം എന്താകുമെന്ന് ആര്ക്കറിയാം.
https://www.facebook.com/Malayalivartha