മന്ത്രി എം.എം മണിയുടെ മന്ത്രി സ്ഥാനം തെറിക്കുമോ..? മണിയുടെ പ്രസംഗത്തിന്റെ ദൃശ്യങ്ങള് ഹാജരാക്കാന് ഹൈക്കോടതി നിര്ദ്ദേശിച്ച പശ്ചാത്തലത്തില് മണി കൂടുതല് പ്രതിസന്ധിയിലാകാന് സാധ്യത
മന്ത്രിയുടെ പ്രസംഗം ഉത്കണ്ഠാജനകമാണെന്ന മട്ടിലായിരുന്നു ഹൈക്കോടതിയുടെ വിമര്ശനം. മണി സ്ത്രീകളെ അപമാനിച്ചിട്ടില്ലെന്ന് സര്ക്കാര് വാദിച്ചെങ്കിലും അക്കാര്യം കോടതി വിശ്വാസത്തിലെടുത്തില്ല. സ്ത്രീകളെയല്ല മാധ്യമ പ്രവര്ത്തകരെയാണ് ഉദ്ദേശിച്ചതെന്ന് സര്ക്കാര് പറഞ്ഞപ്പോള് മാധ്യമ പ്രവര്ത്തകരെ എന്തും പറയാമോ എന്നായിരുന്നു ചോദ്യം.
ഹൈക്കോടതി ഇടപെട്ടാല് എന്തു സംഭവിക്കുമെന്ന് കണ്ടറിയണം. നേരത്തെയും മന്ത്രിമാര് രാജിവച്ചത് ഹൈക്കോടതി പരാമര്ശത്തിന്റെ അടിസ്ഥാനത്തിലാണ്. ഹൈക്കോടതി മണിയുടെ കാര്യത്തില് വളരെ ഗൗരവപൂര്വമായാണ് ഇടപെട്ടിരിക്കുന്നത്.
ദൃശ്യങ്ങള് ഹാജരാക്കുകയാണെങ്കില് കൂടുതല് പ്രതിസന്ധിയിലാവും. ദൃശ്യങ്ങള് സര്ക്കാര് ഹാജരാക്കിയില്ലെങ്കില് പരാതിക്കാര് ഹാജരാക്കും. മണിയെ അവസാനിപ്പിക്കണമെന്ന ലക്ഷൃത്തോടെയാണ് പരാതിക്കാര് നീങ്ങുന്നത്. മണിയുടെ വളര്ച്ചയില് അസൂയാലുക്കളായ നേതാക്കളുടെ ഗൂഢാലോചന തന്നെയാണ് ഇതില് പ്രധാനം. മണിയെ മന്ത്രിയാക്കിയതില് സി.പി.എമ്മിനുള്ളില് തന്നെ എതിര്പ്പുണ്ട്. കോടിയേരിയുടെ പിടിവാശിയാണ് മണിക്ക് സെക്രട്ടേറിയറ്റിലേക്കുള്ള വാതില് തുറന്നു കൊടുത്തത്.
മണിക്ക് വൈദ്യുതി വകുപ്പ് നല്കിയതിലും സി.പി.എമ്മിനുള്ളില് ഇഷ്ടക്കേടുണ്ട്. സി.പി.എം പ്രവര്ത്തകര് തന്നെയാണ് ദ്യശ്യ-പത്ര മാധ്യമങ്ങള് കടന്നു ചെല്ലാത്ത ഉള്പ്രദേശങ്ങളില് നടക്കുന്ന മണിയുടെ പ്രസംഗങ്ങള് ചിത്രീകരിച്ച് ദൃശ്യമാധ്യമങ്ങള്ക്ക് നല്കി വിവാദമാക്കുന്നത്.
കിടങ്ങൂര് സ്വദേശിയായ മണി മൂന്നാറിലെത്തിയതിനു ശേഷം കൊയ്തത് കോടികളാണെന്ന് പറയപ്പെടുന്നു. രണ്ടു കോടിയില്പരം രൂപയുടെ സ്വത്തുണ്ടെന്നാണ് എതിരാളികള് പറയുന്നത്. പാര്ട്ടി ജില്ലാ സെക്രട്ടറി എന്ന നിലയില് മണി പാര്ട്ടിയുടെ സാമ്പത്തിക ഭദ്രതക്കും ക്രിയാത്മകമായ സംഭാവനകള് നല്കിയിട്ടുണ്ടത്രേ.
മണിക്കെതിരായ നീക്കങ്ങളില് ഇടുക്കിയിലെ സി.പി.ഐക്ക് ക്രിയാത്മകമായ റോളുണ്ട്. സി.പി.ഐയുടെ പല നേതാക്കളും മണിക്കെതിരാണ്. മണി പ്രസംഗിക്കുന്ന സ്ഥലങ്ങളിലെല്ലാം ഇടതുപക്ഷക്കാര് ടേപ്പ് വയ്ക്കാറുണ്ടത്രേ. മണി വായ തുറന്നാല് വിവാദം വരും എന്നും ഇടതു നേതാക്കള്ക്കറിയാം.
ഹൈക്കോടതി ഡി.ജി.പിയുടെയും ഇടുക്കി എസ്.പിയുടെയും വിശദീകരണങ്ങള് ചോദിച്ചിരിക്കുകയാണ്. അവ അടിയന്തിരമായി ലഭ്യമാക്കാനാണ് നിര്ദ്ദേശം. റിപ്പോര്ട്ട് ലഭിച്ചാലുടന് കോടതി മേല്നടപടികളിലേക്ക് കടക്കും.
https://www.facebook.com/Malayalivartha