സെക്രട്ടേറിയറ്റിനു മുന്നല് പ്രതിപക്ഷ യുവജന സംഘടനകള് തമ്മില് സംഘര്ഷം... യുവമോര്ച്ചയ്ക്കുള്ള സ്ഥലത്തേക്ക് യൂത്ത് കോണ്ഗ്രസുകാര് എത്തിയത് രംഗം കലുഷിതമാക്കി
സര്ക്കാരിന്റെ ഒന്നാം വാര്ഷികദിനത്തില് പ്രതിഷേധിക്കാനെത്തിയ പ്രതിപക്ഷ യുവജന സംഘടനകള് തമ്മില് സെക്രട്ടേറിയറ്റിനുമുന്നില് കയ്യാങ്കളി. യുവമോര്ച്ചയ്ക്ക് അനുവദിക്കപ്പെട്ട സ്ഥലത്തേക്ക് യൂത്ത് കോണ്ഗ്രസ് പ്രവര്ത്തകര് എത്തിയതാണ് സംഘര്ഷത്തിനു കാരണം. പൊലീസ് ഇടപെട്ട് സ്ഥിതി ശാന്തമാക്കി. സെക്രട്ടേറിയറ്റ് വളഞ്ഞുള്ള പ്രതിഷേധത്തിന് എത്തിയതായിരുന്നു ഇരു സംഘടനയുടെയും പ്രവര്ത്തകര്.
സമരത്തില് പങ്കെടുക്കാന് യൂത്ത് കോണ്ഗ്രസ്, യുവമോര്ച്ച പ്രവര്ത്തകര് ഇന്നലെ വൈകിട്ടുമുതല് തിരുവനന്തപുരത്തേക്ക് എത്തിയിരുന്നു. സെക്രട്ടേറിയറ്റ് ജീവനക്കാരെ അകത്തേക്കു പ്രവേശിപ്പിക്കില്ലെന്നാണ് ഇവരുടെ അവകാശവാദം. അതിനിടെ ഇരുസംഘടനകളുടെയും കൂടുതല് പ്രവര്ത്തകര് പ്രകടനമായി സമരമുഖത്തേക്ക് എത്തുന്നുണ്ട്.
ഇന്നലെ വൈകിട്ട് ആറുമുതലാണ് ഇരു സംഘടനകളുടെയും പ്രവര്ത്തകര് സെക്രട്ടേറിയറ്റ് വളയുന്ന നടപടി തുടങ്ങിയത്. രാത്രി വൈകിയും ഇവിടേക്ക് ആളുകളെത്തിയിരുന്നു. സെക്രട്ടേറിയറ്റിന്റെ സമരഗേറ്റ് എന്ന് അറിയപ്പെടുന്ന നോര്ത്ത് ഗേറ്റിനുമുന്നില് ഇരുകൂട്ടര്ക്കും ഇടംവേണമെന്ന വാശിയില് ഇന്നലെ രാത്രിയിലും ചെറിയ തോതില് അസ്വസ്ഥതകള് ഉടലെടുത്തിരുന്നു. പിന്നീടു പൊലീസെത്തിയാണ് സമവായമുണ്ടാക്കിയത്.
https://www.facebook.com/Malayalivartha