കാരണവര് വധക്കേസിലെ പ്രതി ഷെറിനും നടി അര്ച്ചനക്കും ഉന്നതങ്ങളില് പിടി !പിന്നില് വിവാദ ജയില് ഡിഐജി ? അര്ച്ചനക്കൊപ്പം കറങ്ങിയ വിവാദപോലീസ് മേധാവി ഷെറിനുമായും ബന്ധം
മുകളില് പിടിയെങ്കില് കാര്യങ്ങള് എല്ലാം ഈസി. സീരിയല് നടിക്കൊപ്പം ഔദ്യോഗിക വാഹനത്തില് കറങ്ങിയ ജയില് ഡിഐജി ബി. പ്രദീപിനെതിരായ കുരുക്ക് മുറുകുന്നു.ആദ്യമായല്ല പ്രദീപിനെതിരേ പരാതി ഉയരുന്നത്. കാരണവര് വധക്കേസിലെ പ്രതി ഷെറിനുമായി ഈ ഓഫീസര്ക്ക് ബന്ധമുണ്ടെന്ന് അടുത്തിടെ ആരോപണമുയര്ന്നിരുന്നു.കൊലപാതക കേസില് ശിക്ഷിക്കപ്പെട്ട് ജയിലില് കിടക്കുന്ന ഷേറിന് അനധികൃതമായി പരോളുകള് അനുവദിക്കുന്നതും ചില ഉന്നത ഉദ്യോഗസ്ഥരുമൊത്ത് കറങ്ങുന്നതുമായി മുന്പ് പല റിപ്പോര്ട്ടുകളും ആരോപണങ്ങളും ഉയര്ന്നിരുന്നു.കൊലപാതക കേസില് ശിക്ഷിക്കപ്പെട്ട ഷെറിന് അടുത്ത കാലത്തായി 13 തവണയാണ് പരോള് കിട്ടിയിരുന്നത് .ഈ അടുത്ത് ഈസ്റ്ററിനും ഷെറിന് പരോളില് ഇറങ്ങിയിരുന്നു .ഇതിനെല്ലാം പിന്നില് ഉന്നത ഉദ്യോഗഥരുടെ പിന്തുണ ഉണ്ടെന്നും ആരോപണം ഉണ്ട്.
2009 നവംബറിലാണ് ഷെറിന്റെ ഭര്ത്താവിന്റെ പിതാവിനെ കൊല്ലപ്പെട്ട നിലയില് കാണുന്നത്. ഈ കൊലപാതകം ആസൂത്രണം ചെയ്തതിനാണ് ഷെറിന് പിടിയിലാകുന്നത്.2010ലാണ് ഷെറിന് ജീവപര്യന്തം ശിക്ഷ ലഭിയ്ക്കുന്നത്. തുടര്ന്ന് ഇവരെ 2011ല് തിരുവനന്തപുരം വനിത ജയിലിലേയ്ക്ക് മാറ്റി. ശിക്ഷയ്ക്കിടെ തന്നെ ഏഴ് തവണ സാധാരണ പരോളും രണ്ട് തവണ അടിയന്തിര പരോളും ഷെറിന് നേടി. തിരുവനന്തപുരം ജയില് അധികൃതര്ക്ക് ഷെറിന് തലവേദനയായതോടെ വിയ്യൂരിലേയ്ക്ക് മാറ്റി.ഷെറിന് പരോളിലിറങ്ങുമ്പോള് ജയില്വകുപ്പിലെ ഒരു ഉന്നതനെ കാണാറുണ്ടെന്ന് വിവരമുണ്ടായിരുന്നു. ജയിലിലെ സ്ഥിരം പ്രശ്നക്കാരിയാണെങ്കിലും ഷെറിന് പരോള് അനുവദിക്കുന്ന കാര്യത്തില് അധികൃതര് നിയമങ്ങളോ ചട്ടങ്ങളോ നോക്കാറില്ലെന്നും ആരോപണം ഉണ്ട്. ചട്ടവിരുദ്ധമായി ഷെറിന് ഇതുവരെ പതിമൂന്ന് പരോള് നേടിയിട്ടുണ്ട് എന്നാണ് റിപ്പോര്ട്ട്.
ജീവപര്യന്ത്യം തടവിനു ശിക്ഷിക്കപ്പെട്ട ഇവര് ശിക്ഷാകാലാവധി തുടങ്ങി ഒന്നര വര്ഷം പിന്നിട്ടപ്പോള്ത്തന്നെ പരോള് നേടിത്തുടങ്ങി. ഇന്ത്യന് ശിക്ഷാ നിയമപ്രകാരം 392 മുതല് 402 വരെ വകുപ്പുകള്ക്ക് ശിക്ഷിക്കപ്പെട്ടവര്ക്ക് പരോളിന് അര്ഹതയില്ലെന്നാണ് ജയില് ആസ്ഥാനത്ത് നിന്നറിയുന്നത്. ഷെറിന് 394ാം വകുപ്പുപ്രകാരമുള്ള ശിക്ഷ അനുഭവിക്കുന്നുണ്ട്. കവര്ച്ചയ്ക്കുവേണ്ടി മാരകമായ മുറിവേല്പ്പിക്കുക എന്നതാണ് 394 പ്രകാരമുള്ള കുറ്റം. 10 വര്ഷംവരെ പരമാവധി തടവു കിട്ടാവുന്ന കുറ്റമാണിത്. 302 വകുപ്പിനോടൊപ്പമാണ് 394 പോലുള്ള വകുപ്പുകള് ചേര്ത്തതെങ്കില് ഈ വകുപ്പുപ്രകാരമുള്ള ശിക്ഷ കഴിഞ്ഞ ശേഷമേ പരോളിന് അര്ഹതയുള്ളൂ എന്നും ചട്ടത്തില് പറയുന്നു.2010 ജൂണ് 11ന് ആണ് കാരണവര് കൊലക്കേസില് വിധി വരുന്നത്. 2012 മാര്ച്ച് 3ന് ഷെറിന് ആദ്യ പരോള് അനുവദിക്കുകയും ചെയ്തു. തിരുവനന്തപുരത്തെ അട്ടക്കുളങ്ങര ജയിലില് വെച്ചുമാത്രം ഇവര് എട്ടു തവണ പരോള് നേടിയിട്ടുണ്ട്.കുറ്റവാളിയുടെ സൗന്ദര്യത്തില് മയങ്ങി പലരും ഇവരെ നിയമവിരുദ്ധമായി സഹായിക്കുകയായിരുന്നു എന്ന് മുഖ്യധാരാ പത്രങ്ങള് റിപ്പോര്ട്ട് ചെയ്തിരുന്നു .എങ്കിലും അധികാരികള് കണ്ണടച്ചു.
https://www.facebook.com/Malayalivartha