ബൈക്കില് യാത്ര ചെയ്ത ദമ്പതികള്ക്ക് നേരെ കാറിലെത്തിയ സംഘത്തിന്റെ ആക്രമണം
കരുനാഗപ്പള്ളിയില് ബൈക്കില് യാത്ര ചെയ്ത ദമ്പതിമാര്ക്കു നേരെ ആക്രമണം. സംഭവവുമായി ബന്ധപ്പെട്ട് രണ്ടുപേരെ പോലീസ് അറസ്റ്റ് ചെയ്തു. ചൊവ്വാഴ്ച രാത്രി പത്തരയോടെ കരുനാഗപ്പള്ളി മാര്ക്കറ്റ് റോഡിലാണ് ആക്രമണം നടന്നത്. കരുനാഗപ്പള്ളി കല്ലേലിഭാഗം ഭാരതി മന്ദിരത്തില് ജയകുമാര് (31), കല്ലേലിഭാഗം കോളശേരില് വീട്ടില് ഷാജഹാന് (42) എന്നിവരെയാണ് പോലീസ് അറസ്റ്റ് ചെയ്തത്.
കായംകുളം സ്വദേശി മഹേഷ് നായര്, കരുനാഗപ്പള്ളി സ്വദേശി വിഷ്ണു എന്നിവരെ പോലീസ് തിരയുന്നു. ദമ്പതിമാരും മകളും ബന്ധുവീട്ടില് പോയശേഷം വീട്ടിലേക്ക് മടങ്ങുകയായിരുന്നു. കാലിത്തീറ്റ ഫാക്ടറിക്കുസമീപംമുതല് കാര് ഇവരെ പിന്തുടര്ന്നു. മാര്ക്കറ്റ് റോഡില് എത്തിയപ്പോള് കാറില് ഉണ്ടായിരുന്നവര് ഇവരെ അസഭ്യംപറയാന് തുടങ്ങി.
ഭാര്യയെയും മകളെയും കാറില് കയറ്റാന് സംഘം ആവശ്യപ്പെട്ടതായും പരാതിയില് പറയുന്നു. ശല്യംചെയ്തവരെ ഭര്ത്താവ് ചോദ്യംചെയ്തു. ഇതിനിടെ ഇവര് ബൈക്കിന് കുറുകെ കാര് നിര്ത്തിയശേഷം ബിയര് കുപ്പിയെടുത്ത് ഭാര്യയുടെ ദേഹത്ത് അടിച്ചു. തുടര്ന്ന് ബിയര് കുപ്പി പൊട്ടിച്ച് ഭാര്യയുടെ ദേഹത്തുകൂടി ബിയര് ഒഴിച്ചതായും പരാതിയില് പറയുന്നു.
ഇവരെ ഭീഷണിപ്പെടുത്തിയശേഷം സംഘം സ്ഥലംവിട്ടു. ബിയര് കുപ്പികൊണ്ടുള്ള അടിയില് തോളിന് പരിക്കേറ്റ ഭാര്യ കരുനാഗപ്പള്ളി താലൂക്ക് ആശുപത്രിയില് ചികിത്സതേടി. വിവരമറിഞ്ഞ് കരുനാഗപ്പള്ളി എസ്.ഐ. വി.ശിവകുമാറിന്റെ നേതൃത്വത്തിലുള്ള പോലീസ് സ്ഥലത്തെത്തി. സംഭവസമയത്ത് സ്ഥലത്തുണ്ടായിരുന്ന ഒരാള് കാറിന്റെ നമ്പര് പോലീസിന് നല്കി. അന്വേഷണത്തില് കായംകുളം സ്വദേശി മഹേഷ് നായരുടെ ഉടമസ്ഥതയിലുള്ള കാറാണിതെന്ന് വ്യക്തമായി.
തുടര്ന്നുനടത്തിയ അന്വേഷണത്തിലാണ് മറ്റ് പ്രതികളെക്കുറിച്ചുള്ള വിവരങ്ങള് ലഭിച്ചത്. രാത്രി രണ്ടുമണിയോടെയാണ് രണ്ടുപേരെയും വീടുകളിലെത്തി പോലീസ് അറസ്റ്റ് ചെയ്തത്. ഇവരെ ചോദ്യംചെയ്തപ്പോഴാണ് കാറിലുണ്ടായിരുന്ന മറ്റുള്ളവരെക്കുറിച്ച് വിവരം ലഭിച്ചത്.
https://www.facebook.com/Malayalivartha