കെഎസ്ആര്ടിസിയുടെ ഭരണസംവിധാനത്തില് വന് അഴിച്ചു പണി, കോര്പ്പറേഷനെ മൂന്നു മേഖലകളാക്കി
കെ.എസ്.ആര്.ടി.സിയെ തിരുവനന്തപുരം, കൊച്ചി, കോഴിക്കോട് എന്നിങ്ങനെ മൂന്ന് മേഖലകളായി തിരിച്ചു. പ്രൊഫ. സുശീല്ഖന്ന റിപ്പോര്ട്ടനുസരിച്ചാണ് നടപടി. ഭരണസംവിധാനത്തില് വന് അഴിച്ചുപണിയും കോര്പ്പറേഷന് നടപ്പിലാക്കി. കോര്പ്പറേഷന്റെ ഉയര്ന്ന പദവികളില് പ്രൊഫഷനല് യോഗ്യതയുള്ളവരെ പുറത്തു നിന്നു കണ്ടെത്തി നിയമിക്കാന് ധനകാര്യ അഡീഷനല് ചീഫ് സെക്രട്ടറി തലവനായി വിദഗ്ധസമിതിയെ സര്ക്കാര് നിയമിച്ചു. തിരുവനന്തപുരത്തു ജോലി ചെയ്യുന്ന മൂന്ന് എക്സിക്യുട്ടീവ് ഡയറക്ടര്മാരെയാണ് കൊച്ചി, കോഴിക്കോട്, തിരുവനന്തപുരം മേഖലാ തലവന്മാരാക്കി നിയമനം നല്കിയത്.
ടെക്നിക്കല്, ഫിനാന്സ് വകുപ്പുകളില് പുതിയ ജനറല് മാനേജര്മാരേയും ധനകാര്യവിഭാഗത്തെ ശക്തിപ്പെടുത്താന് രണ്ടു ചാര്ട്ടേഡ് അക്കൗണ്ടന്റുമാരേയും നിയമിക്കും. കണ്ടക്ടര് നിയമനം തേടി പ്രോമോഷനുകളിലൂടെ എക്സിക്യൂട്ടീവ് ഡയറക്ടര് പദവിയില് വരെ എത്തുന്ന പതിവാണ് ഇതോടെ ഇല്ലാതായിരിക്കുന്നത്. സുപ്രധാന പദവികളില് സ്ഥാനക്കയറ്റവും ഡപ്യൂട്ടേഷനും നല്കുന്ന പതിവ് അവസാനിപ്പിച്ചാണ് എല്ലാ നിയമനവും പുറത്തുനിന്നാക്കിയിരിക്കുന്നത് .
അഡ്മിനിസ്ട്രേഷന്, ഓപ്പറേഷന്സ്, ടെക്നിക്കല് വിഭാഗത്തിന്റെ ചുമതലയുള്ള എക്സിക്യുട്ടീവ് ഡയറക്ടര്മാരെയാണ് മേഖലാതലവന്മാരാക്കിയത്. അലങ്കോലമായികിടക്കുന്ന കോര്പ്പറേഷന്റെ ധനകാര്യ, അക്കൗണ്ട്സ് വിഭാഗങ്ങളില് മാനേജ്മെന്റ് ഇന്ഫര്മേഷന് സിസ്റ്റം ഏര്പ്പെടുത്തുന്നതിന്റെ ഭാഗമായാണ് രണ്ടു ചാര്ട്ടേഡ് അക്കൗണ്ടന്റുമാരെ നിയമിക്കുന്നത്.
അഡ്മിനിസ്ട്രേഷന്, ഓപ്പറേഷന് എക്സിക്യുട്ടീവ് ഡയറക്ടര്മാരാകാന് എം.ബി.എ, 10 വര്ഷത്തെ പ്രവര്ത്തനപരിചയം.
ടെക്നിക്കല് വിഭാഗം എക്സിക്യുട്ടീവ് ഡയറക്ടറാകാന് ബിടെക്ക്, എം.ബി.എ, 10 വര്ഷത്തെ പരിചയം.
ജനറല് മാനേജര് എം.ബി.എ, ബി.ടെക് എന്നിവയ്ക്കൊപ്പം 15 വര്ഷത്തെ ജോലി പരിചയം
(ടെക്നിക്കല്, ഫിനാന്സ് വകുപ്പുകളിലാണ് ജനറല് മാനേജര്മാരെ നിയമിക്കുന്നത്.)
തിരഞ്ഞെടുപ്പ് സമിതിയില് ഇവര്
ധനവകുപ്പ് മേധാവി, ഗതാഗതവകുപ്പ് സെക്രട്ടറി, ഐ.ടി സെക്രട്ടറി, കെ.എസ്.ആര്.ടി.സി സി.എം.ഡി, കോഴിക്കോട് ഇന്ത്യന് ഇന്സ്റ്റിറ്റിയൂട്ട് ഒഫ് മാനേജ്മെന്റ്, തിരുവനന്തപുരം എന്ജിനിയറിംഗ് കോളജ് എന്നിവിടങ്ങളില് നിന്നുള്ള ഓരോ വിദഗ്ദ്ധര്.
https://www.facebook.com/Malayalivartha