എല്ലാവരും കൈയ്യൊഴിഞ്ഞതോടെ സങ്കടം സഹിക്കാനാവാതെ ദിലീപ്
വളരെ വേഗം ജാമ്യം കിട്ടി പുറത്തിറങ്ങി ജനങ്ങളുടെ മുമ്പില് സങ്കടം പറഞ്ഞ് തിരിച്ചുവരാമെന്ന് വിചാരിച്ച ദിലീപിന് പണി പാളി. ഇന്നത്തെ ഹൈക്കോടതി വിധിയോടെ ഉടനൊന്നും ജാമ്യം കിട്ടില്ലെന്നും ദിലീപിന് വ്യക്തമായി. ഇതോടൊപ്പം ഹൈക്കോടതിയുടെ പരമര്ശത്തില് ദിലീപ് ചെയ്ത കുറ്റത്തിന്റെ ആഴവും വെളിവായി. ഇതോടെ ദിലീപിന്റെ കണ്ണുനിറഞ്ഞു. ഇതോടൊപ്പം ദിലീപിനെ ആത്മാര്ത്ഥമായി പിന്തുണച്ചവരും സുഹൃത്തുക്കളും മലക്കം മറിഞ്ഞു. ഈ ആത്മ സുഹൃത്തുക്കളുടെ മലക്കം മറിച്ചിലില് ദിലീപിന് സങ്കടം സഹിക്കാനായില്ല.
പലകാര്യകാര്യങ്ങളാണ് ദിലീപിനെ സങ്കടക്കടലിലാക്കുന്നത്. നടിയെ ആക്രമിച്ച കേസില് ആലുവ ജയിലില് കഴിയുന്ന ദിലീപിന് ഇനി പുറം ലോകം കാണണമെങ്കില് ദൈവം തന്നെ കനിയണം. കേസില് ദിലീപിന് ഹൈക്കോടതി ജാമ്യം നിഷേധിച്ചു. ജാമ്യം നിഷേധിച്ചതുമാത്രമല്ല ഇപ്പോഴത്തെ കാര്യം, ഇനി ദിലീപിന് ആലുവ സബ് ജയിലില് നിന്ന് കോടതിയിലേക്ക് പോകാന് കൂടി പുറത്തേക്കിറങ്ങാന് കഴിയില്ല. കാരണം ജയിലില് നിന്ന് ദിലീപിനെ കോടതിയില് എത്തിക്കുന്നത് വലിയ സുരക്ഷാ പ്രശ്നമാണെന്ന് പോലീസ് ചൂണ്ടിക്കാട്ടി. അതുകൊണ്ട് തന്നെ വീഡിയോ കോണ്ഫറന്സിങ് മതിയെന്നാണ് പോലീസ് കോടതിയില് ആവശ്യപ്പെട്ടത്. ഈ നീക്കം കോടതി അംഗീകരിച്ചതോടെ ജയിലില് നിന്നും പുറത്തിറങ്ങാന് ദിലീപിന് കുറച്ചു നാള് വേണ്ടിവരും.
ഏതായാലും അങ്കമാലി കോടതിയില് വീഡിയോ കോണ്ഫറന്സിങ് സംവിധാനം നിലവില് ഇല്ല. ഈ സംഭിവാദാനം പോലീസ് എത്തിക്കുമെന്നതും ഉറപ്പാണ്. ഇതിനുള്ള നടപടികള് പോലീസ് ഉടന് തുടങ്ങുമെന്നാണ് സൂചന. ആലുവ സബ് ജയിലിലെ 523 നമ്പര് തടവുകാരനായ ദിലീപ് കഴിഞ്ഞ രണ്ടു ദിവസമായി സങ്കീര്ത്തനം വായനയായിരുന്നു. അങ്ങനെ ജാമ്യ ഹര്ജിയില് അനുകൂല വിധി വരുമെന്ന പ്രതീക്ഷയിലായിരുന്നു ജനപ്രിയ താരം പ്രാര്ത്ഥനകളുമായി ആലുവ ജയിലില് കഴിഞ്ഞു കൂട്ടിയത്. എന്നാല് ജാമ്യ ഹര്ജിയിലെ വിധി വന്നപ്പോള് വീണ്ടും നിരാശ. രാത്രിയിലെ കൊതുക് ശല്യം താരത്തിന്റെ ഉറക്കം കെടുത്തുന്നുണ്ട്. കൊതുകുതിരി കത്തിച്ചു വെച്ചിട്ടും സ്വസ്ഥമായി ഉറങ്ങാനാവുന്നില്ല ദിലീപിന്. പകലുറങ്ങിയാണ് രാത്രിത്തെ ക്ഷീണം തീര്ക്കുന്നത്. ജാമ്യ ഹര്ജിയിലെ വിധി വന്നതോടെ സെല്ലിനകത്ത് ഒതുങ്ങി കൂടുകയാണ് നടന്. സഹതടവുകാര്ക്ക് ആശ്വസിപ്പിക്കാനും വാക്കുകളില്ല.
കഴിഞ്ഞ രണ്ട് ദിവസമായി ഉറക്കം പോകുമ്പോള് സഹതടവുകാര്ക്ക് ദിലീപ് സിനിമ സെറ്റിലെ കഥകള് പറഞ്ഞു കൊടുക്കുന്നുണ്ട. ഈ കേസില് താന് നിരപരാധിയാണന്നാണ് ദിലീപ് സഹതടവുകാരോട് പറയുന്നത്. ജാമ്യ ഹര്ജി അനുകൂലമാകുമെന്ന പ്രതീക്ഷയിലായിരുന്നു ഇതെല്ലാം. എല്ലാം വെറുതെയായെന്ന തിരിച്ചറിവാണ് നടനെ തളര്ത്തുന്നത്.ജയില് അധികൃതര് കാര്യങ്ങള് അറിയിച്ചതോടെ സെല്ലിലേക്ക് മടങ്ങിയ ദിലീപിന് വീണ്ടും മിണ്ടാട്ടമില്ലാതെയായി. കുറച്ചു കൂടി കരുതലുണ്ടായിരുന്നുവെങ്കില് ജാമ്യം കിട്ടിയേനെ. അതിനുള്ള അവസരം പോയെന്ന് നടന് തിരിച്ചറിയുന്നു. ഇത് സഹതടവുകാരോട് ദിലീപ് പങ്കുവച്ചതായാണ് സൂചന.
https://www.facebook.com/Malayalivartha