നടനും സംവിധായകനുമായ ലാലിന്റെ മകൻ ജീൻപോൾ ലാലിനെതിരെ കേസ്
തന്റെ സിനിമയിലെ നായികയോട് ലൈംഗിച്ചുവയോടെ സംസാരിച്ചതിനെ തുടർന്ന് യുവസംവിധായകനെതിരെ പൊലീസ് കേസെടുത്തു. നടനും സംവിധായകനുമായ ലാലിന്റെ മകൻ ജീൻപോൾ ലാലിനെതിരെയാണ് കേസെടുത്തത്.
ജീൻപോൾ ലാലിനെ കൂടാതെ നടൻ ശ്രീനാഥ് ഭാസി, സിനിമയിലെ ടെക്നീഷ്യന്മാരായ അനൂപ്, അനിരുദ്ധ് എന്നിവർക്കെതിരെയും കൊച്ചി പനങ്ങാട് പൊലീസ് കേസെടുത്തിട്ടുണ്ട്.
2016 നവംബർ 16ന് ഹണീ ബീ 2 എന്ന സിനിമയുടെ ചിത്രീകരണത്തിനിടെയാണ് കേസിനാസ്പദമായ സംഭവം നടന്നത്. സിനിമയിൽ അഭിനയിച്ചതിനുള്ള പ്രതിഫലം ചോദിച്ചപ്പോൾ ലൈംഗികച്ചുവയോടെ സംസാരിച്ചു എന്നാണ് പരാതി. കൊച്ചി പനങ്ങാട് ഹോട്ടലിൽ വച്ചായിരുന്നു സംഭവം.
ഇതോടെ നടി പരാതി നൽകി. വഞ്ചനയ്ക്കും ലൈംഗികച്ചുവയോടെ സംസാരിച്ചതിനുമാണ് കേസെടുത്തിരിക്കുന്നത്. നടിയുടെ മൊഴി ഇൻഫോ പാർക്ക് സി.ഐ രേഖപ്പെടുത്തി. ഹണീ ബീ, ഹണീ ബീടു, ഹായ് ഐ ആം ടോണി തുടങ്ങിയ ചിത്രങ്ങളുടെ സംവധായകനാണ് ജീൻപോൾ.
https://www.facebook.com/Malayalivartha