സല്മാന്ഖാന്റെ ഷേര ടീം പോലെ ദിലീപിന്റെ വീടിനും, സ്ഥാപനങ്ങള്ക്കും സുരക്ഷക്കായി ചെന്നൈയില് നിന്നും ബൗണ്സേര്സ്; ഭയക്കുന്നത് പോലീസിനെ
വിവാദങ്ങള് തുടര്ക്കഥയായതോടെ സല്മാന്ഖാന്റെ സുരക്ഷക്കായി നിയോഗിക്കപ്പെട്ട ഷേര ടീമിനെപ്പോലെ ദിലീപിന്റെ വീടിനും സ്ഥാപനങ്ങള്ക്കും സുരക്ഷ ഒരുക്കി ബൗണ്സേര്സ്. ദിലീപിന്റെ വീടിനും, സ്ഥാപനങ്ങള്ക്കും സുരക്ഷക്കായി ചെന്നൈയില് നിന്നും പ്രൈവറ്റ് ഏജന്സിയുടെ കാവല്. താരം പുറത്തിറങ്ങിയാലും ഇനി സുരക്ഷ കര്ശനമായിരിക്കും. 120 ബി അടക്കം ജാമ്യമില്ലാത്ത വകുപ്പുകള് ചുമത്തി ജയിലില് അടച്ച നടനെതിരെ മതിയായ തെളിവുകള് ഒന്നും തന്നെ ലഭിക്കാത്ത പോലീസ് തെളിവുകള് ശേഖരിക്കാന് എസ് കത്തി മാതൃകയില് തെളിവ് ശേഖരണത്തിന് ശ്രമിക്കുമെന്ന ഭയത്തിലാണ് പ്രൈവറ്റ് ഏജന്സിയുടെ സുരക്ഷ ഒരുക്കിയിരിക്കുന്നത്. സംഭവം ചെറിയ ക്വട്ടേഷന് സംഘം തന്നെ. വേണ്ടിവന്നാല് കൂടുതല് സംഘത്തെ നിയോഗിക്കാനാണ് തീരുമാനം. ചാനലുകളെ വീടിന്റെ സമീപത്തുനിന്നും നീക്കുക എന്ന ലക്ഷ്യവുമുണ്ട്.
സെലിബ്രിറ്റികളും, രാഷ്ട്രീയ പ്രമുഖരും പങ്കെടുക്കുന്ന പരിപാടികള് നിയന്ത്രിക്കുകയും സുരക്ഷയൊരുക്കുകയും ചെയ്യുന്ന തമിഴ്നാട്ടില് നിന്നുള്ള ഇവന്റ് മാനേജ്മെന്റ് കമ്പനി ഇന്നലെ മുതല് കാവല് ആരംഭിച്ചിട്ടുണ്ട്. ബൗണ്സേര്സ് കാവല് നീക്കുന്നത് കൂടാതെ സുരക്ഷാ സംവിധാനത്തിനായി ഇപ്പോഴുള്ള സി. സി. ടിവി ക്യാമറകള്ക്ക് പുറമെ പോലീസ് കണ്ട്രോള് റൂമില് ഉപയോഗിക്കുന്നതു പോലെ ചെന്നൈയില് നിന്നും നിയന്ത്രിക്കാവുന്ന ക്യാമറകളും സ്ഥാപിച്ചിട്ടുണ്ട്. പോലീസ് നടനെതിരെ ക്രിത്രിമ തെളിവുകള് ഉണ്ടാക്കുന്നത് തടയുകയാണ് ലക്ഷ്യം. തിങ്കളാഴ്ച്ച ദിലീപിന് ജാമ്യം നിഷേധിക്കപ്പെട്ടതിന് തൊട്ടു പിന്നാലെയാണ് തിരക്കിട്ട ഈ നീക്കങ്ങള് നടന്നിരിക്കുന്നത്. മുതിര്ന്ന അഭിഭാഷകന്റെ നിര്ദ്ദേശപ്രകാരമാണ് ഇത്തരം നടപടി.
ഹൈക്കോടതി ജാമ്യം നിഷേധിച്ചതിനു ശേഷം പെട്ടെന്നു സുപ്രീം കോടതിയെ സമീപിക്കേണ്ട എന്നതാണ് ദിലീപിന് കിട്ടിയിരിക്കുന്ന നിയമോപദേശം. പക്ഷെ അപ്പോഴും പോലീസിനു മുന്നിലുള്ളത് വളരെ പ്രധാനപ്പെട്ട ദിനങ്ങളാണ്. വീണ്ടും ദിലീപ് കോടതിയില് ജാമ്യാപേക്ഷ സമര്പ്പിക്കുമ്പോഴേയ്ക്കും പോലീസിന് വ്യക്തമായ തെളിവ് ഹാജരാക്കേണ്ടതുണ്ട്. അതിന്റെ സമ്മര്ദ്ദത്തില് മാരത്തണ് ചോദ്യം ചെയ്യലുകളാണ് പോലീസ് നടത്തുന്നത്. നിലവില് ഈ കേസ് ഇപ്പോള് സര്ക്കാരിനും അഭിമാന പ്രശ്നമാണ്.
https://www.facebook.com/Malayalivartha