കുമരകത്ത് നടന് ദിലീപ് ഭൂമി കൈയേറിയിട്ടില്ലെന്ന് കളക്ടറുടെ റിപ്പോര്ട്ട്
കുമരകം വില്ലേജിലെ 12ആം ബ്ലോക്കില് നടന് ദിലീപ് ഭൂമി കൈയേറിട്ടില്ലെന്ന് കോട്ടയം ജില്ലാകളക്ടറുടെ റിപ്പോര്ട്ട്. ഇക്കാര്യം ചൂണ്ടിക്കാട്ടി റവന്യൂമന്ത്രി ഇ.ചന്ദ്രേശേഖരന് കളക്ടര് സി.എ.ലത റിപ്പോര്ട്ട് നല്കി. കുമരകത്ത് പുറമ്പോക്ക് കയ്യേറിയെന്ന ആരോപണത്തില് ഉടല് റിപ്പോര്ട്ട് നല്കാന് റവന്യൂമന്ത്രി കളക്ടറോട് ആവശ്യപ്പെട്ടിരുന്നു.
കുമരകം വില്ലേജിലെ പന്ത്രണ്ടാം ബ്ലോക്കിലെ 190ആം സര്വേ നമ്പരില് പുറമ്പോക്ക് ഭൂമിയാണ് ദിലീപ് കൈയേറിയതെന്നായിരുന്നു ആരോപണം. ഇതിന്റെ രേഖകള് നേരത്തെ തന്നെ അന്വേഷണ സംഘത്തിന് ലഭിച്ചിരുന്നു. 2007 ല് സെന്റിന് 70,000 രൂപയ്ക്കാണ് ദിലീപ് സ്ഥലം വാങ്ങിയതെന്നാണ് അന്വേഷണത്തില് കണ്ടെത്തിയത്.
കൈയേറ്റം ഒഴിപ്പിക്കുന്നത് തടഞ്ഞ് ഹൈക്കോടതിയില് നിന്ന് ഇടക്കാല ഉത്തരവ് സ്വന്തമാക്കിയ ദിലീപ്, കൈയേറിയ ഭൂമി അടക്കം രണ്ടര ഏക്കര് സ്ഥലം സെന്റിന് 4.80 ലക്ഷം രൂപയ്ക്കു മറിച്ചുവിറ്റതായും പൊലീസ് കണ്ടെത്തിയിരുന്നു. മറിച്ചുവിറ്റ സ്ഥലത്തില് സര്ക്കാര് ഭൂമിയുണ്ടെന്ന വിവരം ബന്ധപ്പെട്ടവര് കോടതിയെ അറിയിച്ചില്ലെങ്കിലും ഫയലുകള് പരിശോധിച്ച കോടതി, കൈയേറ്റ സ്ഥലം തിരിച്ചുപിടിക്കാന് സ്പെഷ്യല് തഹസില്ദാര്ക്കു നിര്ദേശം നല്കിയിരുന്നു. എന്നാല് ദിലീപ് ഭൂമി കൈയേറിയിട്ടില്ലെന്നാണ് കളക്ടര് റിപ്പോര്ട്ട് നല്കിയത്.
https://www.facebook.com/Malayalivartha