വധഭീഷണിയെ പുച്ഛിച്ച് തള്ളി ദീപ നിശാന്ത്...
ഗോരഖ്പൂര് സംഭവത്തെ വിമര്ശിച്ചതിന് തനിക്കെതിരെയും കാര്ട്ടൂണിസ്റ്റ് നിപിന് നാരായണനെതിയും ഉയര്ന്ന സംഘപരിവാര് അനുഭാവികളുടെ വധഭീഷണിയെ പുച്ഛിച്ച് തള്ളി എഴുത്തുകാരിയും അദ്ധ്യാപികയുമായ ദിപ നിശാന്ത്. വന്ന് വന്ന് ഇപ്പോ വധഭീഷണീന്ന് കേക്കുമ്പം ചിരിവരണ അവസ്ഥയായി!!! ഇന്നും കിട്ടി നാലെണ്ണം, ഒരു ഫെയ്സ്ബുക്ക് പോസ്റ്റിന്റെ കമന്റായാണ് ദീപ നിശാന്ത് ഇക്കാര്യം വ്യക്തമാക്കിയത്.
നിപിന് നാരായണന് ഗോരഖ്പൂര് സംഭവത്തെ വിമര്ശിച്ച് വരച്ച ചിത്രം ദേശീയ പതാകയെ അപമാനിക്കുന്നതാണെന്ന ആരോപണം ഉയര്ത്തിയാണ് സംഘപരിപാര് അനുഭാവികള് രംഗത്തെത്തിയത്. നിപിന്റെ വര ഫെയ്സ്ബുക്കിലൂടെ ഷെയര് ചെയ്ത ദീപ നിശാന്തിനെ അധിക്ഷേപിച്ചും സോഷ്യല് മാധ്യമങ്ങളില് പോസ്റ്റുകള് പ്രത്യക്ഷപ്പെടുന്നുണ്ട്.
മതമൗലിക വാദികളുടെ സൈബര് ആക്രമണത്തിന് ഇരയായ അദ്ധ്യപികയും എഴുത്തുകാരിയുമായ ദീപ നിശാന്ത് മുഖ്യമന്ത്രിക്കും സംസ്ഥാന പൊലീസ് മേധാവിക്കും നേരത്തെ പരാതി നല്കിയിരുന്നു. ജീവന് ഭീഷണിയുണ്ടെന്ന് ദീപ നല്കിയ പരാതിയില് പറഞ്ഞിരുന്നു. ശ്രീ കേരളവര്മ്മ കോളേജില് എം.എഫ് ഹുസൈന്റെ ചിത്രം പ്രദര്ശിപ്പിച്ചു കൊണ്ട് എസ്.എഫ്.ഐ സ്ഥാപിച്ച ഫ്ലക്സ് ബോര്ഡുകളെ അനുകൂലിച്ച് ദീപ രംഗത്തെത്തിയതോടെയാണ് സംഘപരിവാര് അനുകൂല സംഘടനകള് ഭീഷണിയുമായി രംഗത്തെത്തിയത്.
https://www.facebook.com/Malayalivartha