കായംകുളത്ത് വാഹന പരിശോധനയ്ക്കിടെ 10 കോടിയുടെ അസാധു നോട്ടുകള്‍ പൊലീസ് പിടികൂടി. ഇതുമായി ബന്ധപ്പെട്ട് പാലക്കാട് സ്വദേശികളായ അഞ്ചു പേരെ പൊലീസ് അറസ്റ്റ് ചെയ്തു. നിരോധിച്ച 500, 1000 രൂപയുടെ നോട്ടുകളാണ് പിടികൂടിയത്.

കായംകുളം പൊലീസ് രാത്രികാല വാഹന പരിശോധന നടത്തുന്നതിനിടെയാണ് കാറില്‍ കടത്തുകയായിരുന്ന നോട്ടുകള്‍ പിടികൂടിയത്. സംശയം തോന്നിയ പൊലീസ് കാര്‍ പരിശോധിക്കുന്നതിനിടെ സീറ്റിനടിയില്‍ ഒളിപ്പിച്ച നിലയിലായിരുന്നു നോട്ടുകള്‍. അഞ്ചുപേരെയും പൊലീസ് ചോദ്യം ചെയ്തു വരികയാണ്.