തോമസ് ചാണ്ടി പുറത്തേക്ക്, ഇ.പി ജയരാജന് മടങ്ങി വരവിന് ഒരുങ്ങുന്നു!
ഏഷ്യാനെറ്റിന്റെ ആലപ്പുഴ ബ്യൂറോ ആക്രമിക്കപ്പെട്ട കേസില് മന്ത്രി തോമസ് ചാണ്ടി ആരോപണ വിധേയനായതോടെ അദ്ദേഹത്തെ പുറത്താക്കാനും ഇ.പി ജയരാജനെ മന്ത്രിയാക്കാനും സി.പി.എമ്മില് ആലോചന. സുരേഷ് ഗോപി പറയുന്നത് പോലെ ദേ പോയി, ദാ വന്നു.
മന്ത്രി സ്ഥാനത്ത് നിന്നും തനിക്ക് മാറേണ്ടി വരുമെന്ന് തോമസ് ചാണ്ടി ഉറപ്പിച്ചതിനു പിന്നാലെയാണ് തോമസ് ചാണ്ടിക്ക് കുഴിയൊരുക്കിയ ഏഷ്യാനെറ്റിന്റെ വാഹനം ആക്രമിച്ചത്.
വന് പ്രതിസന്ധിയാണ് അഭിമുഖീകരിക്കേണ്ടതെന്ന് അടുത്ത സുഹൃത്തുക്കളോട് തോമസ് ചാണ്ടി മനസ് തുറന്നിട്ടുണ്ട്. ഇത്ര പെട്ടെന്ന് മന്ത്രിസ്ഥാനം ഒഴിയേണ്ടി വരുമെന്ന് തോമസ് ചാണ്ടി പ്രതീക്ഷിച്ചിരിക്കില്ല.
തോമസ് ചാണ്ടിക്ക് ഏഷ്യാനെറ്റിനെ തകര്ക്കാനുള്ള ദേഷ്യമുണ്ട്. ഇതിന്റെ ഭാഗമാണ് ആക്രമണമെന്ന് സര്ക്കാര് ഉന്നതര് പോലും സംശയിക്കുന്നുണ്ട്. ഒരു വിട്ടുവീഴ്ചയുമില്ലാത്ത തരത്തില് അന്വേഷണം നടത്തണമെന്ന് മുഖ്യമന്ത്രി ഡി.ജി.പിക്ക് നിര്ദ്ദേശം നല്കിയിട്ടുണ്ട്. മന്ത്രിയില് നിന്നും ഒരു വിശദീകരണവും കേള്ക്കാന് മുഖ്യമന്ത്രി തയാറായിട്ടില്ല.
ഇ.പി.ജയരാജനെ മന്ത്രിയാക്കാന് മുഖ്യമന്ത്രിയും പാര്ട്ടി സെക്രട്ടറിയും തീരുമാനിച്ചു കഴിഞ്ഞു. ജയരാജന് പകരം മന്ത്രിയെ നിയമിക്കാത്തതും ഇതുകൊണ്ടാണ്.
ജയരാജനെതിരായ നടപടിയാണ് വിജിലന്സ് ഡയറക്ടറായിരുന്ന ജേക്കബ് തോമസിന്റെ പണി കളഞ്ഞത്. ജയരാജനെ സഹായിച്ചില്ലെന്ന് മുഖ്യമന്ത്രിക്കെതിരെ ആരോപണം ഉയര്ന്നപ്പോഴും അദ്ദേഹം യഥാര്ത്ഥത്തില് ജയരാജനെ സഹായിക്കുകയായിരുന്നു. ലോകനാഥ് ബഹ്റയെ വിജിലന്സില് നില നിര്ത്തിയത് ജയരാജന്റെ കേസ് ഇല്ലാതാക്കാനാണ്. മുഖ്യമന്ത്രിയുടെ വിശ്വസ്തനായി ബഹ്റ മാറ്റിയതും അദ്ദേഹത്തിന്റെ വാക്കുകള് അക്ഷരംപ്രതി അനുസരിച്ചതുകൊണ്ടാണ്.
തോമസ് ചാണ്ടിയെ ഒഴിവാക്കിയാല് എ.കെ.ശശീന്ദ്രനെ മന്ത്രിയാക്കും. ഉടനെ ഉണ്ടായില്ലെങ്കിലും അത് സംഭവിച്ചേ തീരൂ. ശശീന്ദ്രനെ ഹണി ട്രാപ്പില്പെടുത്തിയത് തോമസ് ചാണ്ടിയാണെന്ന് ആരോപണം ഉയര്ന്നിരുന്നു. മന്ത്രി സ്ഥാനത്ത് നിന്ന് ചാണ്ടി പുറത്തായാല് എന്.സി.പി രണ്ടാകാനും സാധ്യതയുണ്ട്. അങ്ങനെ സംഭവിച്ചാല് തോമസ് ചാണ്ടിയെ സര്ക്കാര് കുരുക്കും. ഉഴവൂര് വിജയന്റെ മരണത്തിലും തോമസ് ചാണ്ടിക്ക് പങ്കുണ്ടെന്ന ആരോപണം സജീവമാണ്.
https://www.facebook.com/Malayalivartha