പിസി ജോര്ജിന്റെ വെളിപ്പെടുത്തലിനെതിരെ അങ്കം മുറുകുന്നു
കൊച്ചിയില് നടിയെ ആക്രമിച്ച കേസില് വീണ്ടും ആരോപണങ്ങളുമായി രംഗത്തെത്തിയ പിസി ജോര്ജ് എംഎല്എയ്ക്കെതിരെ പൃഥ്വിരാജിന്റെ ആരാധകര്. നടിയെ ആക്രമിച്ച സംഭവത്തില് പൃഥ്വിരാജിനെതിരെ ഗുരുതര ആരോപണമാണ് പേരുപറയാതെ തന്നെ വ്യക്തമായ സൂചനനല്കി പിസി ഉന്നയിക്കുന്നത്. കേസില് നടന് ദിലീപിനെ കുടുക്കിയത് സിനിമാ കുടുംബത്തില് നിന്നുള്ള അഹങ്കാരിയായ യുവ നടനാണെന്ന് പിസി ജോര്ജ് പറഞ്ഞു. അതേസമയം ഈ നടന്റെ പേര് പറയാന് പിസി ജോര്ജ് തയ്യാറായില്ല. ഫഹദ് അല്ല. പൃഥിരാജ് ആണോ എന്ന ചോദ്യത്തിന് പിസി ജോര്ജ് ചിരിച്ചൊഴിഞ്ഞു.
പൃഥ്വിക്ക് ദിലീപിനെ കുടുക്കേണ്ടതിന്റെ ആവശ്യം എന്താണെന്ന് ചോദ്യത്തിന് അത് പിന്നീട് തെളിയുമെന്നും പിസി ജോര്ജ് പറഞ്ഞു. ഒരു ചാനല് പരിപാടിയില് സംസാരിക്കുകയായിരുന്നു പിസി ജോര്ജ്. അതേസമയം പൃഥിരാജിന്റെ പേര് പറയാത്തത് കേസ് ഭയന്നാണോ എന്ന ചോദ്യത്തിന് അല്ല എന്നും. ദിലീപിനെതിരായ ഗൂഢാലോചനയില് നടന് വ്യക്തമായ പങ്കുണ്ടെന്നും പിസി ജോര്ജ് ആരോപിക്കുന്നു. ദിലീപിന് മുന്നില് ഈ നടന് ഒന്നുമല്ല. അതിനാല് ദിലീപിനെ ഒതുക്കാന് ഇയാള് ആഗ്രഹിക്കുന്നുവെന്നും പിസി ജോര്ജ് കൂട്ടിച്ചേര്ത്തു.
ഇത് മാധ്യമങ്ങള് ഏറ്റെടുത്തതോടെ ഈ വഴിക്കായി ചര്ച്ചകള്. ആക്രമിക്കപ്പെട്ട നടിക്ക് വേണ്ടി ഏറ്റവുമധികം വാദിച്ചയാളാണ് പൃഥ്വിരാജ്. ആ പൃഥ്വിക്കെതിരെ പിസി രംഗത്തെത്തിയത് സാധാരണക്കാര്ക്ക് സഹിക്കാന് പറ്റുന്നില്ല. അതേസമയം തങ്ങളുടെ താരത്തിനെതിരെ ഇല്ലാത്ത ആരോപണം ഉന്നയിക്കുന്നതിനെതിരെ ഫാന്സ് അസോസിയേഷനും രംഗത്തെത്തി. പക്ഷെ പൃഥ്വിരാജ് ഇതുവരെ പ്രതികരിച്ചിട്ടില്ല.
സംവിധായകന് ശ്രീകുമാര് മേനോനെതിരെയും പിസി ജോര്ജ് ആരോപണം ഉന്നയിച്ചു. ശ്രീകുമാര് മേനോന് ആട്, മാഞ്ചിയം തട്ടിപ്പ് കേസിലെ പ്രതിയായിരുന്നു എന്നാണ് പിസി ജോര്ജിന്റെ ആരോപണം. കേരളത്തിലെ ജനം ഇക്കാര്യം അറിയട്ടെ. ദിലീപിന്റെ കുടുംബം കലക്കിയത് ശ്രീകുമാര് മേനോനാണ്. തന്റെ ആരോപണം തെറ്റാണെങ്കില് ശ്രീകുമാര് മേനോന് കേസ് കൊടുക്കട്ടെ. കേസ് കൊടുത്താല് താന് ആരോപണം തെളിയിക്കുമെന്നും പിസി ജോര്ജ് പറഞ്ഞു.
https://www.facebook.com/Malayalivartha