നിര്മ്മല് കൃഷ്ണ ചിട്ടിതട്ടിപ്പുമായി ബന്ധമില്ലെന്ന് വിഎസ് ശിവകുമാര്
നിര്മ്മല് കൃഷ്ണ ചിട്ടിതട്ടിപ്പുമായി ബന്ധപ്പെട്ട് തനിക്കെതിരെ ഉയര്ന്ന ആരോപണങ്ങള് നിഷേധിച്ച് മുന് മന്ത്രി വിഎസ് ശിവകുമാര്. തനിക്കെതിരെ ഉയര്ന്ന ആരോപണങ്ങള് അടിസ്ഥാന രഹിതമാണെന്ന് വിഎസ് ശിവകുമാര് എംഎല്എ പറഞ്ഞു. ചിട്ടി സ്ഥാപന ഉടമ നിര്മ്മലനെ നാട്ടുകാരന് എന്ന രീതിയില് മാത്രമാണ് തനിക്ക് പരിചയം. താന് പണം നഷ്ടപ്പെട്ട നിക്ഷേപകര്ക്കൊപ്പമാണെന്നും മുന് മന്ത്രി കൂട്ടിച്ചേര്ത്തു.
നിര്മ്മല് കൃഷ്ണ ചിട്ടി സ്ഥാപനത്തിന്റെ ബിനാമിയാണ് വിഎസ്സ് ശിവകുമാര് എന്ന ആരോപണമാണ് നിക്ഷേപകര്ക്കിടയിലും നാട്ടിലും ഉയര്ന്നുവന്നത്. തിരുവനന്തപുരം പാറശ്ശാലയിലെ നിര്മ്മല് കൃഷ്ണ ചിട്ടി തട്ടിപ്പുമായി ബന്ധപ്പെട്ട് കേരളവും തമിഴ്നാടും സംയുക്തമായി അന്വേഷണം നടത്തുന്ന സാഹചര്യത്തിലാണ് ആരോപണത്തിന് മറുപടിയുമായി മുന് മന്ത്രി വിഎസ്സ് ശിവകുമാര് രംഗത്ത് എത്തിയത്.
നിക്ഷേപകര്ക്ക് പണം ലഭ്യമാക്കുന്നതിന് വേണ്ട നടപടി ആവശ്യപ്പെട്ട് താന് മുഖ്യമന്ത്രിക്ക് കത്ത് നല്കിയിട്ടുണ്ടെന്നും വിഎസ് ശിവകുമാര് പറഞ്ഞു. ചിട്ടിതട്ടിപ്പ് പുറത്തുവരികയും പണം നഷ്ടപ്പെട്ട നിക്ഷേപകര് പ്രതിഷേധവും പരാതിയുമായി രംഗത്ത് വന്നപ്പോഴുമാണ് വി.എസ്സ് ശിവകുമാറിനെതിരെ നിക്ഷേപകര്ക്കിടയിലും പാറശ്ശാലയിലും ആരോപണം വന്നത്.
https://www.facebook.com/Malayalivartha