സെക്രെട്ടറിയേറ്റ് പടിക്കൽ വെയിലും മഴയും ഏറ്റു നഴ്സുമാർ നടത്തിയ സമരം വിജയം കണ്ടെങ്കിലും തീരുമാനങ്ങൾ ഇനിയും നടപ്പിലായിട്ടില്ല.മടിസ്ഥാന വേതനം ബത്തയോടൊപ്പം 22000 രൂപ അടിസ്ഥാനവേതനം നൽകണമെന്ന് ആവശ്യപ്പെട്ടാണ് നഴ്സുമാർ സമരം ചെയ്തത്.നിരവധി ചർച്ചകൾക്കൊടുവിൽ മുഖ്യമന്ത്രിയുടെ നേതൃത്വത്തിൽ നടത്തിയ ചർച്ചക്കൊടുവിൽ മാനേജ്മെന്റുകൾ നഴ്സുമാരുടെ സമരസംഘടനകൾ മുന്നോട് വെച്ച ആവശ്യങ്ങൾ അംഗീകരിക്കുകയായിരുന്നു.എത്രയും പെട്ടന്ന് തന്നെ ശമ്പളം കൂട്ടി നല്കാൻ തീരുമാനമെടുക്കണമെന്ന് ബന്ധപ്പെട്ട അധികാരികൾക്കും മാനേജ്മെന്റുകൾക്കും മുഖ്യമന്ത്രി നിർദേശം നൽകിയെങ്കിലും ഇതുവരെ നടപ്പായിട്ടില്ല.പ്രശ്നങ്ങൾ കെട്ടടങ്ങിയപ്പോൾ വീണ്ടും ഭൂമിയിലെ മാലാഖാമാർക്‌ കഞ്ഞി കുമ്പിളിൽ തന്നെ.വാർത്തകളിൽ നിന്നും നഴ്സുമാർ അപ്രസക്തമായതോടെ മാനേജ്‌മെന്റുകളും പ്രതികാരനടപടികൾ ശക്തമാകുകയാണ്.പലയിടത്തും ഒറ്റപ്പെട്ട സമരങ്ങൾ ആരംഭിച്ചു കഴിഞ്ഞു സർക്കാർ അടിയന്തരമായി തീരുമാനങ്ങൾ നടപ്പിലാക്കണമെന്നാണ് നഴ്സുമാരുടെ ആവശ്യം അല്ലാത്ത പക്ഷം വീണ്ടും സമരമുഖത്തേക് ഇറങ്ങാൻ തങ്ങൾ മടിക്കില്ലെന്നു നഴ്സസ് സംഘടന ഭാരവാഹികൾ പറഞ്ഞു.