'അമ്പലത്തിന് പകരം ആശുപത്രി നിര്മിക്കണമെന്ന്' മെര്സലില് വിജയിയുടെ ഡയലോഗ് ആര്.എസ്.എസുകാരെ ചൊടിപ്പിച്ചു; താരത്തിനെതിരെ സൈബര് ആക്രമണം
ഏറ്റവും പുതിയ ചിത്രമായ മെര്സലില് അമ്പലത്തിന് പകരം ആശുപത്രി നിര്മിക്കണമെന്ന് നടന് വിജയ് പറഞ്ഞ ഡയലോഗിനെ മതവിദ്വേഷമായി സംഘപരിവാര് പ്രവര്ത്തകര് പ്രചരിപ്പിക്കുന്നു. സിനിമയില് കേന്ദ്രസര്ക്കാരിന്റെ ഡിജിറ്റല് ഇന്ത്യ പദ്ധതിയെ ഉള്പ്പെടെ വിമര്ശിക്കുന്നതിനെ തുടര്ന്നാണ് ഇവര് മതത്തെ ആയുധമാക്കി രംഗത്തെത്തിയിരിക്കുന്നത്. ഇളയ ദളപതി വിജയ് നസ്രാണിയാണ്. വെറും വിജയ് അല്ല, ജോസഫ് വിജയ് എന്നാണ് യഥാര്ത്ഥ നാമധേയം. ഹൈന്ദവ ചേരുവയുള്ള പടങ്ങളില് അഭിനയിച്ചു ഹൈന്ദവനെ തെറ്റിദ്ധരിപ്പിച്ച് ജോസഫ് വിജയ് കുരിശുകൃഷി നടത്തുകയാണെന്ന് കണ്ണൂരില് നിന്നുള്ള സംഘപരിവാര് പ്രവര്ത്തകരുടെ പേരിലുള്ള ഔട്ട്സ്പോക്കണ് എന്ന ഫെയിസ്ബുക്ക് പോസ്റ്റില് പറയുന്നു.
ജി.എസ്.ടിയെയും നോട്ട് നിരോധനത്തെയും ഒക്കെ മെര്സലില് പരിഹസിക്കുന്നുണ്ട്. ഡയലോഗ് മാറ്റാത്തപക്ഷം സിനിമ ബഹിഷ്ക്കരിക്കണമെന്നും പോസ്റ്റില് ആഹ്വാനം ചെയ്യുന്നു. അസഹിഷ്ണുത എല്ലാ മേഖലയിലേക്കും സംഘപരിവാര് ശക്തികള് വ്യാപിപ്പിക്കുന്നു എന്നതിന്റെ അവസാനത്തെ ഉദാഹരണമാണ് മെര്സലിനും വിജയിക്കും എതിരെയുള്ള ആക്രമണം.
ആമീര്ഖാന്റെ പി.കെയ്ക്കെതിരെ മുമ്പ് ഇതേ തീരിയിലുള്ള അസഹിഷ്ണുത ഉയര്ന്നിരുന്നു. കമലാഹാസന്റെ വിശ്വരൂപത്തിനെതിരെ ചില മുസ്ലിം സംഘടനകള് ഇതേ രീതിയില് ആക്രമണം നടത്തിയിരുന്നു. അന്ന് ചില സീനുകള് എഡിറ്റ് ചെയ്ത് മാറ്റേണ്ടിവന്നിരുന്നു.
https://www.facebook.com/Malayalivartha