കേന്ദ്രസര്‍ക്കാരിന്റെ ജനദ്രോഹ നയങ്ങള്‍ക്കെതിരെ ഇടത് മുന്നണിയുടെ ജനജാഗ്രത യാത്രകള്‍ക്ക് ഇന്ന് തുടക്കം; വടക്കന്‍ കേരളത്തെ കോടിയേരി നയിക്കും, തെക്കന്‍ കേരളത്ത കാനം രാജേന്ദ്രനും
കേന്ദ്രസര്‍ക്കാരിന്റെ ജനദ്രോഹ നയങ്ങള്‍ക്കെതിരെ ഇടത് മുന്നണി സംഘടിപ്പിക്കുന്ന ജനജാഗ്രത യാത്രകള്‍ക്ക് ഇന്ന് തുടക്കം. വടക്കന്‍ കേരളയാത്ര സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണനും തെക്കന്‍ യാത്ര സിപിഐ സംസ്ഥാന സെക്രട്ടറി കാനം രാജേന്ദ്രനും നയിക്കും.
കോടിയേരി ബാലകൃഷ്ണന്‍ നയിക്കുന്ന ജാഥ വൈകീട്ട് നാലിന് മഞ്ചേശ്വരത്തു നിന്നുമാണ് ആരംഭിക്കുക. കോടിയേരി നയിക്കുന്ന ജാഥയില്‍ സിപിഐ നേതാവ് സത്യന്‍ മൊകേരി, ജനതാദള്‍ (എസ്) നേതാവ് പി എം ജോയ്, എന്‍സിപി നേതാവ് പി കെ രാജന്‍ മാസ്റ്റര്‍, കോണ്‍ഗ്രസ് (എസ്) നേതാവ് ഇ പി ആര്‍ വേശാല, കേരള കോണ്‍ഗ്രസ് നേതാവ് സ്‌കറിയ തോമസ് എന്നിവര്‍ അംഗങ്ങളാകും.
കാനം രാജേന്ദ്രനും സിപിഐ അഖിലേന്ത്യാ സെക്രട്ടറി ഡി രാജയും നയിക്കുന്ന ജാഥ തിരുവനന്തപുരത്തു നിന്നും ആരംഭിക്കും. തിരുവനന്തപുരത്ത് മുഖ്യമന്ത്രി പിണറായി വിജയനാണ് ജാഥ ഉദ്ഘാടനം ചെയ്യുക. സിപിഐഎം നേതാവ് എ വിജയരാഘവന്‍, ജനതാദള്‍ (എസ്) നേതാവ് ജോര്‍ജ് തോമസ്, എന്‍സിപി നേതാവ് ബാബു കാര്‍ത്തികേയന്‍, കോണ്‍ഗ്രസ് (എസ്) നേതാവ് ഉഴമലയ്ക്കല്‍ വേണുഗോപാലന്‍, കേരള കോണ്‍ഗ്രസ് സ്‌കറിയ വിഭാഗം നേതാവ് പി എം മാത്യു എന്നിവര്‍ കാനം രാജേന്ദ്രന്‍ നയിക്കുന്ന ജാഥയില്‍ പങ്കെടുക്കും.
https://www.facebook.com/Malayalivartha
