കൊച്ചിയില്‍ നടിയെ തട്ടിക്കൊണ്ടുപോയി വാഹനത്തില്‍ വെച്ച് ബലാല്‍സംഘം ചെയ്ത കേസില്‍ പൊലീസ് കുറ്റപത്രം സമര്‍പ്പിച്ചു. അങ്കമാലി ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ ബുധനാഴ്ച ഉച്ചതിരിഞ്ഞ് മൂന്നരയോടെ ന്വേഷണസംഘം കുറ്റപത്രം നല്‍കിയത്. സംഭവത്തിന്റെ ഗൂഢാലോചന നടത്തിയ നടന്‍ ദിലീപ് എട്ടാം പ്രതിയാണ്. ആകെ 12 പതികളാണുള്ളത്. സി.ഐ ബൈജു പോളാണ് കുറ്റപത്രം സമര്‍പ്പിച്ചത്. മജിസ്‌ട്രേട്ടിന്റെ ഓഫീസിലെത്തി 650 പേജുള്ള റിപ്പോര്‍ട്ടും 450 തോളം അനുബന്ധ രേഖകളും ഫോണ്‍ ശബ്ദരേഖ ഉള്‍പ്പെയെയാണ് നല്‍കിയത്. കുറ്റപത്രത്തിന്റെ പകര്‍പ്പ് ദിലീപിന്റെ അഭിഭാഷകന് കൈമാറി. 

കേസില്‍ ദിലീപിനെതിരെ മഞ്ജു വാര്യര്‍ പ്രധാന സാക്ഷി. ദിലീപ് , അഭിഭാഷകരായ പ്രദീഷ് ചാക്കോ, രാജു ജോസഫ്, മുഖ്യപ്രതി സുനില്‍കുമാറിന്റെ സഹതടവുകാരനായിരുന്ന വിഷ്ണു എന്നിവരെയാണ് പുതുതായി അനുബന്ധ കുറ്റപത്രത്തില്‍ ഉള്‍പ്പെടുത്തിയത്. ദിലീപിനെ ഒന്നാം പ്രതിയാക്കാന്‍ നേരത്തെ തീരുമാനിച്ചിരുന്നെങ്കിലും കേസിനെ അത് കൂടുതല്‍ സങ്കീര്‍ണമാക്കും എന്ന വിലയിരുത്തലിലാണ് എട്ടാം പ്രതിയാക്കിയത്. അനുബന്ധ കുറ്റപത്രത്തില്‍ 385 സാക്ഷികളും രണ്ട് മാപ്പ് സാക്ഷികളും. മഞ്ജു വാര്യര്‍ പ്രധാന സാക്ഷി. പൊലീസുകാരന്‍ അനീഷും വിപിന്‍ ലാലും മാപ്പ് സാക്ഷികള്‍. കുറ്റപത്രത്തില്‍ ആകെ 605 പേജുകളാണ് ഉള്ളത്.

നേരത്തെ ചുമത്തിയ ഗൂഡാലോചന, കൂട്ടബലാല്‍സംഗം തുടങ്ങിയ കുറ്റങ്ങള്‍ അടക്കം പതിനേഴോളം വകുപ്പുകള്‍ ദിലീപിനിതെരെ കുറ്റപത്രത്തിലും ചുമത്തിയിട്ടുണ്ട്. ദിലീപും സുനിയും മാത്രമാണ് ഗൂഡാലോചനയില്‍ നേരിട്ട് പങ്കെടുത്തതെന്നാണ് കണ്ടെത്തല്‍. സിനിമാ മേഖലയില്‍ നിന്നുളള പ്രമുഖരടക്കം മൂന്നൂറ്റമ്പതോളം പേരെ കേസില്‍ സാക്ഷികളാക്കിയിട്ടുണ്ട്. ഐ.ടി വകുപ്പുകള്‍ പ്രകാരമുള്ള കേസുകളും പ്രതികള്‍ക്കെതിരെ ചുമത്തിയിട്ടുണ്ട്.