ഓഖി ദുരന്തം: കേരളത്തിന് പിന്നാലെ തമിഴ്നാടും ;മരണപ്പെട്ടവരുടെ കുടുംബത്തിന് 20 ലക്ഷം രൂപയും ആശ്രിതര്ക്ക് ജോലിയും നൽകും
ഓഖി ദുരിതാശ്വാസ തുക വർധിപ്പിച്ച് തമിഴ്നാട്. ആദ്യഘട്ടത്തില് പത്ത് ലക്ഷം രൂപയാണ് മരണപ്പെട്ടവരുടെ കുടുംബത്തിന് തമിഴ്നാട് സര്ക്കാര് വാഗ്ദാനം ചെയ്തത്. ഒടുവില് ജനകീയ പ്രതിഷേധത്തെ തുടര്ന്ന് കേരളത്തിന്റെ മാതൃകയില് സഹായം നല്കാന് തമിഴ്നാട് സര്ക്കാര് തീരുമാനിക്കുകയായിരുന്നു. മുഖ്യമന്ത്രി എടപ്പാടി പളനിസാമി കന്യാകുമാരിയില് ദുരിതാശ്വാസ ക്യാമ്പിലെത്തിയാണ് തീരുമാനം പ്രഖ്യാപിച്ചത്.
നേരത്തെ കടലിലകപ്പെട്ട മത്സ്യത്തൊഴിലാളികളെ രക്ഷിക്കാന് സഹായമാവശ്യപ്പെട്ട് തമിഴ്നാട്ടില് നിന്ന് നിരവധി മത്സ്യത്തൊഴിലാളി കുടുംബങ്ങള് കേരളത്തിലെത്തി മുഖ്യമന്ത്രി പിണറായി വിജയനെ കണ്ടിരുന്നു. ഇതിനു പുറമെ തമിഴ്നാട്ടില് നിന്നുള്ള മത്സ്യത്തൊഴിലാളികളെ രക്ഷപ്പെടുത്തിയതിനും കേരളത്തിന് നന്ദിയറിയിച്ച് തമിഴ്നാട് മുഖ്യമന്ത്രി എടപ്പാടി പളനിസാമി മുഖ്യമന്ത്രി പിണറായി വിജയന് കത്തയച്ചിരുന്നു.
https://www.facebook.com/Malayalivartha