വേറിട്ട അന്വേഷണ രീതിക്കൊടുവില് കണ്ടെത്തിയത് മൃഗീയ വാസനയുള്ള അമിര് ഉള് ഇസ്ലാമിനെ...
മനുഷ്യ മനസാക്ഷിയെ വേദനിപ്പിച്ച കൊലപാതകമായിരുന്നു ജിഷയുടേത്. അതിക്രൂരമായി കൊല്ലപ്പെട്ട നിലയിലാണു ജിഷയുടെ മൃതദേഹം കണ്ടെത്തിയത്. നാടിനെ നടുക്കിയ കൊലപാതകമാണെങ്കിലും ദിവസത്തിനു ശേഷമാണു വിശദാംശങ്ങള് പുറത്തറിഞ്ഞതും വ്യാപകമായി ചര്ച്ച ചെയ്യപ്പെട്ടത്. തെരഞ്ഞെടുപ്പു സമയമായതിനാല് കൊലപാതകത്തിനു വലിയ രാഷ്ട്രീയ പ്രാധാന്യവും ലഭിച്ചു. ദിവസങ്ങള് കഴിഞ്ഞിട്ടും പ്രതിയെക്കുറിച്ചുള്ള സൂചനകള് ലഭിക്കാതായതോടെ വിവാദം കനത്തു.
പോലീസിനെതിരേ പ്രക്ഷോഭ പരിപാടികള് അരങ്ങേറി. നിയമസഭ തെരഞ്ഞെടുപ്പ് പ്രചാരണം നടക്കുന്നതിനാല് പോലീസിനുമേല് രാഷ്ട്രീയ സമ്മര്ദങ്ങളും ഏറെയായിരുന്നു. അതുകൊണ്ടുതന്നെ വേറിട്ട അന്വേഷണ രീതികളും പോലീസ് സ്വീകരിച്ചു. ചിലപ്പോഴൊക്കെ അതു പരിഹസിക്കപ്പെടുകയും ചെയ്തു. കൊലപാതകം നടന്ന വീട്ടില്നിന്നു ലഭിച്ച രക്തക്കറ പുരണ്ട ചെരുപ്പ് പ്രതിയുടേതെന്നു പോലീസ് ഉറപ്പിച്ചിരുന്നു. ഉടമയെ ആരെങ്കിലും തിരിച്ചറിയുമെന്ന പ്രതീക്ഷയില് ചെരുപ്പ് റോഡരികില് കെട്ടിത്തൂക്കി.
നാട്ടുകാരെ വിളിച്ചുകൂട്ടി ആരെങ്കിലും ചെരുപ്പ് തിരിച്ചറിയുന്നുണ്ടോ എന്നു പരിശോധിച്ചു. ഇതോടൊപ്പം നാട്ടിലെ എല്ലാ പുരുഷന്മാരുടെയും വിരലടയാളവും ശേഖരിച്ചു. ജിഷയുടെ ശരീരത്തില് കടിയേറ്റ മുറിപ്പാടിന്റെ സ്വഭാവത്തില്നിന്ന്, പല്ലിനു വിടവുള്ളയാളാണു പ്രതിയെന്ന സംശയമുണ്ടായി. പല്ലിന്റെ വിടവ് പരിശോധിക്കാനായി, സംശയം തോന്നിയവരെക്കൊണ്ട് മാങ്ങയില് കടിപ്പിച്ച് പരിശോധിച്ചത് പരിഹാസ്യമായി. ആരും പോകാത്ത വഴികളിലൂടെയെല്ലാം പോയെങ്കിലും അതുകൊണ്ടൊന്നും പ്രതിയെക്കുറിച്ചുള്ള സൂചകള് ലഭിച്ചില്ല.
അസമിലെ നാഗോണ് ജില്ലയിലെ സോലാ പുത്തൂര് ഗ്രാമത്തിലാണ് അമീര് ഉള്ഇസ്ലാം ജനിച്ചതും വളര്ന്നതും. പ്രാഥമിക വിദ്യാഭ്യാസംപോലും ലഭിക്കാതെ നന്നേ ചെറുപ്പത്തില് തന്നെ നാടുവിട്ടു. വിവിധ സംസ്ഥാനങ്ങളില് ഹോട്ടലില് ഉള്പ്പെടെ ജോലി ചെയ്തു. ഉത്തരേന്ത്യന് തൊഴിലാളികള് കൂട്ടത്തോടെ ചേക്കേറാന് തുടങ്ങിയ നാളുകളിലായിരുന്നു കേരളത്തിലേയ്ക്കുള്ള വരവ്. എട്ടുവര്ഷത്തോളം സംസ്ഥാനത്തിന്റെ വിവിധ ഭാഗങ്ങളില് കെട്ടിടനിര്മാണം അടക്കമുള്ള ജോലികള് ചെയ്തു.
ഒടുവില് പെരുമ്പാവൂരിലെ വല്ലത്തുള്ള സഹോദരന് ബഹര് ഉള് ഇസ്ലാമിനൊപ്പം താമസം ആരംഭിച്ചു. പിന്നീടിവിടെ സ്ഥിരതാമസമാക്കി. വല്ലത്ത് ജോലി ചെയ്തുവവെ ഇവിടെ താമസിച്ചിരുന്ന ബംഗാള് സ്വദേശിനി കാഞ്ചനയെ വിവാഹം കഴിച്ചു. 40 വയസുണ്ടായിരുന്ന കാഞ്ചനയ്ക്ക് അമീറിന്റെ അതേപ്രായത്തില്(20 വയസ്) ഉള്ള മകനുണ്ടായിരുന്നു. സ്ഥിരം മദ്യപാനിയായിരുന്ന അമീര് അഭയകേന്ദ്രമായിരുന്നു വിവാഹത്തിലൂടെ ലക്ഷ്യമിട്ടത്. ലൈംഗിക വൈകൃതത്തിന്റെ ഉടമയുമായിരുന്നു അമീര് എന്ന് പോലീസ് അന്വേഷണത്തില് വ്യക്തമായി.
മൃഗങ്ങളോടുവരെ രതിവെകൃതം കാട്ടിയിരുന്നു. ജിഷയെ കൊലപ്പെടു ത്തുന്നതിന് ഏതാനും മാസം മുമ്പ് ആലുവയ്ക്കടുത്ത് പറമ്പില് കെട്ടിയിരുന്ന വളര്ത്തുമൃഗത്തെ ലൈംഗികമായി ഉപയോഗിച്ചതിനെ തുടര്ന്ന് നാട്ടുകാര് പിടികൂടി കൈകാര്യം ചെയ്തിരുന്നു. അമീര് അറസ്റ്റിലായപിന്നാലെ ഈ സംഭവം സമീപവാസികള് പോലീസിനെ അറിയിച്ചിരുന്നു.
https://www.facebook.com/Malayalivartha