ത്യശൂരിലെ അതീവ രഹസ്യ കേന്ദ്രത്തില് മോഹന്ലാല് നടത്തിയ ചികിത്സയുടെ വിശദാംശങ്ങള്
ശരീരഭാരം കുറയ്ക്കാന് അമ്പതു ദിവസത്തോളം നീണ്ട കഠിന പരിശീലനം മോഹന്ലാല് നടത്തിയത് ത്യശൂരിലെ ആയുര്വേദ ചികിത്സാ കേന്ദ്രത്തില്. കഠിനമായ പരിശീലനത്തിന് നേതൃത്വം നല്കിയത് ഫ്രാന്സില് നിന്നുള്ള ഡോക്ടര്മാരാണെങ്കിലും അദ്ദേഹം പിന്തുടര്ന്നത് ആയുര്വേദ ചികിത്സയാണെന്നാണ് രഹസ്യവിവരം.
ഒടിയനു വേണ്ടിയാണ് ശരീരഭാരം കുറച്ചതെങ്കിലും ഏറെ നാളായി ശരീരഭാരം കുറയ്ക്കാന് മോഹന്ലാല് ആലോചിക്കുകയായിരുന്നു. അതിന് ഒടിയന് ഒരു നിമിത്തമായി മാറുകയായിരുന്നു. ഒടിയനില് ദുരൂഹമായ ചില ചരിത്രവഴികളിലൂടെയാണ് ലാല് സഞ്ചരിക്കുന്നത്. മുതിര്ന്ന പത്രപ്രവര്ത്തകനായ ഹരികൃഷ്ണനും സംവിധായകന് ശ്രീകുമാര് മേനോനും ചേര്ന്ന് രൂപം കൊടുത്ത കഥാപാത്രമാണ് മാണിക്യന്. സ്വപ്നതുല്യമാണ് ചിത്രത്തിലെ സന്ദര്ഭങ്ങള്. മലയാള സിനിമ ഇന്നേവരെ കണ്ടിട്ടില്ലാത്ത ഇതിവൃത്തമാണ് ഒടിയനിലേത്.
കേന്ദ്ര മന്ത്രിമാര് അടക്കമുള്ളവര് മുമ്പ് ശരീരഭാരം കുറച്ചിട്ടുണ്ടെങ്കിലും അതേ മാര്ഗ്ഗമല്ല മോഹന്ലാല് സ്വീകരിച്ചത്. ശസ്ത്രക്രിയ വഴി ശരീരഭാരം കുറയ്ക്കുന്നതിന് വന് പ്രചാരമുണ്ട്. ഡല്ഹിയിലും മറ്റും ഇത്തരത്തില് ശരീര ഭാരം കുറയ്ക്കുന്ന സംവിധാനങ്ങള് നിലവിലുണ്ട്. അതെല്ലാം ശരീരത്തിലെ അമിത കൊഴുപ്പ് നീക്കം ചെയ്യുന്നതാണ്. എന്നാല് അതിനൊക്കെ അതിന്റേതായ പ്രത്യാഘാതങ്ങളുണ്ട്. എന്നാല് ആയുര്വേദം കൃത്യമായ പരിശീലനത്തിന്റെയും മരുന്നിന്റെയും സഹായത്തോടെ ശരീരഭാരം കുറയ്ക്കുന്നതിനുള്ള സാധ്യതകളെ കുറിച്ച് പറയുന്നു. പാലക്കാട്ട് ജനിച്ച ശ്രീകുമാര് മേനോന് ആയുര്വേദ ചികിത്സയെ കുറിച്ച് നല്ല വശമുണ്ട്.
ആയുര്വേദത്തിന് പാര്ശ്വഫലങ്ങളില്ല. അതിന്റെ മരുന്നുകള് ഈടു നില്ക്കുന്നതാണ്. ശസ്ത്രക്രിയ പൂര്ണമായും ഒഴിവാക്കി കൊണ്ട് തന്നെ ശരീരഭാരം കുറയ്ക്കാം. ഫിസിയോ തെറാപ്പി ഇതില് പ്രധാനമാണ്. ആയുര്വേദത്തില് പ്രചാരമുള്ള കര്ക്കിടക ചികിത്സയും ഇതിന്റെ ഭാഗമാണ്. ശരീരത്തിലെ ദുര്മേദസ് കളയാനും യൗവനം തിരിച്ചുപിടിക്കാനുമാണ് സാധാരണ കര്ക്കിടക ചികിത്സ നടത്തുന്നത്. കേരളത്തില് തൃശൂര്, ഷൊര്ണൂര്, ഒറ്റപ്പാലം, മലപ്പുറം മേഖലകളാണ് ആയതവേദത്തിന്റെ ഈറ്റില്ലം. ഇവിടങ്ങളിലെ ആയുര്വേദ ചികിത്സ പുകള്പെറ്റതാണ്. മുമ്പും മോഹന്ലാല് കര്ക്കിടക ചികിത്സ നടത്തിയിട്ടുണ്ട്.
ഫ്രാന്സിലെ ഡോക്ടര്മാര് പരിശീലനത്തിന് നേതൃത്വം നല്കിയെങ്കിലും കേരളത്തിലെ ആയുര്വേദ ചികിത്സകര് അവര്ക്കൊപ്പമുണ്ടായിരുന്നു. ഫ്രാന്സിലെ ഡോക്ടര്മാര് ഇംഗ്ലീഷ് മരുന്നുകളൊന്നും ലാലിന്റെ ശരീരത്തില് പ്രയോഗിച്ചില്ല. അങ്ങനെയുള്ള മരുന്നു പരീക്ഷണം വേണ്ടെന്ന് നേരത്തെ തീരുമാനിച്ചിരുന്നു. അല്ലെങ്കിലും ശരീരഭാരം കുറയ്ക്കാന് ഇംഗ്ലീഷ് മരുന്നുകള് പ്രായോഗികമല്ല. ആയുര്വേദത്തില് ഇതിനായി പ്രത്യേകം മരുന്നുകള് നിഷ്കര്ഷിക്കുന്നുണ്ട്.
കേരളത്തിലെ ചില പ്രമുഖ ഡോക്ടര്മാരും ലാലിനെ ചികിത്സാ ഘട്ടത്തില് നിരീക്ഷിച്ചിരുന്നു. അത് മേല്നോട്ടമായിരുന്നില്ല. പകരം ലാലുമായുള്ള സൗഹൃദത്തിന്റെ ഫലമായാണ് അവര് അദ്ദേഹത്തെ കാണാനെത്തിയത്. ലാല് ചെന്നൈയിലേക്ക് മടങ്ങി. പ്രത്യേക വാഹനത്തിലായിരുന്നു യാത്ര. ചെന്നൈയിലും പരിശീലനം തുടരും. ജനുവരിയില് ഒടിയന് വീണ്ടും ആരംഭിക്കും. മലയാളത്തില് ഒരു നടന് ഇത്രയേറെ ത്യാഗങ്ങള് സഹിക്കുന്നത് ഇത് ആദ്യമായാണ്. സിനിമക്ക് വേണ്ടി ജീവിതം ഉഴിഞ്ഞുവച്ചവര്ക്ക് മാത്രമാണ് അതിനു കഴിയുക.
https://www.facebook.com/Malayalivartha