രാഹുല്‍ ഗാന്ധി നാളെ തിരുവനന്തപുരത്ത്... പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കത്തിന്റെ സമാപന സമ്മേളനം ഉദ്ഘാടനം നടത്തും; ഓഖി ദുരന്തബാധിത പ്രദേശങ്ങളായ പൂന്തുറയും വിഴിഞ്ഞവും സന്ദര്‍ശിക്കും
പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കത്തിന്റെ സമാപന ചടങ്ങ് ഉദ്ഘാടന ചടങ്ങിന് കോണ്‍ഗ്രസ് നിയുക്ത പ്രസിഡന്റ് രാഹുല്‍ ഗാന്ധി നാളെ തിരുവനന്തപുരത്ത് എത്തും. വ്യാഴാഴ്ച വൈകിട്ട് അഞ്ചിനാണ് പടയൊരുക്കത്തിന്റെ സമാപന ചടങ്ങ് തിരുവനന്തപുരം സെന്‍ട്രല്‍ സ്‌റ്റേഡിയത്തിലാണ് നടക്കുന്നത്. ഓഖി ദുരന്തബാധിത പ്രദേശങ്ങളായ പൂന്തുറയും വിഴിഞ്ഞവും രാഹുല്‍ സന്ദര്‍ശിക്കും.
വ്യാഴാഴ്ച വൈകിട്ട് അഞ്ചിനാണ് പടയൊരുക്കത്തിന്റെ സമാപന ചടങ്ങുകള്‍ക്ക് തുടക്കം കുറിക്കുന്നത്. രാവിലെ 11 മണിക്ക് എത്തുന്ന രാഹുല്‍ തുടര്‍ന്ന് പൂന്തുറയിലേക്കും അവിടന്ന് വിഴിഞ്ഞത്തേക്കും പോകും. മൂന്ന് മണിയോടെ തൈക്കാട് പോലീസ് ഗ്രൗണ്ടില്‍ ബേബി ജോണ്‍ ജന്മശതാബ്ദി ആഘോഷ സമാപനസമ്മേളനം ഉദ്ഘാടനം ചെയ്യും. ഇതിന് ശേഷമായിരിക്കും പടയൊരുക്കത്തിന്റെ സമാപന വേദിയിലേക്ക് രാഹുല്‍ എത്തുക.
മുന്‍ മുഖ്യമന്ത്രി ഉമ്മന്‍ചാണ്ടി, പ്രതിപക്ഷനേതാവ് രമേശ് ചെന്നിത്തല, മുസ്ലിം ലീഗ് സംസ്ഥാന അധ്യക്ഷന്‍ പാണക്കാട് ഹൈദരലി ശിഹാബ് തങ്ങള്‍, എം.പി.മാരായ പി.കെ.കുഞ്ഞാലിക്കുട്ടി, എം.പി. വീരേന്ദ്രകുമാര്‍, എന്‍.കെ. പ്രേമചന്ദ്രന്‍, എ.ഐ.സി.സി. ജനറല്‍ സെക്രട്ടറി കെ.സി. വേണുഗോപാല്‍, ഘടകകക്ഷി നേതാക്കളായ ജോണി നെല്ലൂര്‍, സി.പി. ജോണ്‍, ദേവരാജന്‍ എന്നിവര്‍ സമാപന സമ്മേളനത്തില്‍ പ്രസംഗിക്കും. സമ്മേളനത്തിന് ശേഷം രാത്രി 7.30ന് രാഹുല്‍ ഡല്‍ഹിക്കു മടങ്ങും. ഡിസംമ്പര്‍ ഒന്നിനായിരുന്നു പടയൊരുക്കത്തിന്റെ സമാപന സമ്മേളനം നിശ്ചയിച്ചിരുന്നത്. എന്നാല്‍ ഓഖിയുടെ പശ്ചാത്തലത്തില്‍ പിന്നീട് തീയതി മാറ്റുകയായിരുന്നു.
https://www.facebook.com/Malayalivartha
