ബൈക്കിൽ കറങ്ങി നടന്ന് പെൺകുട്ടികളെ ലൈംഗികമായി ഉപദ്രവിക്കുന്ന ഞരമ്പ് രോഗിക്ക് എട്ടിന്റെ പണി
വഴി യാത്രക്കാരായ സ്ത്രീകളെയും സ്കൂൾ കോളേജ് വിദ്യാർത്ഥിനികളെയും ഇരുചക്രവാഹനത്തിൽ കറങ്ങി നടന്ന് ലൈംഗികമായി ആക്രമിക്കുന്ന ഞരമ്പ് രോഗിയായ യുവാവിനെ പൊലീസ് പൊക്കി. ശ്രീകാര്യം കല്ലമ്പള്ളി സ്വദേശി സുജിത്ത് ആണ് പിടിയിലായത് . ജോലി കഴിഞ്ഞ് വരുന്ന വീട്ടമ്മമാരെയും നാലാഞ്ചിറയിലെ സ്കൂളുകളിൽ നിന്നും കോളേജുകളിൽ നിന്നും പഠനം കഴിഞ്ഞ് വരുന്ന പെൺകുട്ടികളേയും ഇയാൾ പിന്നാലെ നടന്ന് അശ്ലീല സംഭാഷണം നടത്തുകയും കയറിപ്പിടിക്കാന് മുതിരുകയും ചെയ്യുമായിരുന്നു. ബൈക്കിലെത്തി പെൺകുട്ടികളെ പിന്നിൽ നിന്ന് തട്ടിയ ശേഷം കടന്നുകളയുന്നതും ഇയാളുടെ പതിവായിരുന്നു.
കഴിഞ്ഞ ദിവസം മണ്ണന്തല സബ് ഇൻസ്പെക്ടർ അനൂപിന്റെ നേതൃത്വത്തിൽ ശ്രീകാര്യത്തിനു സമീപം ഇടവക്കോട് നിന്നും ആണ് ഇയാളെ പിടികൂടിയത്. ഇയാൾ മാലമോഷണവും നടത്തിയിരുന്നതായി പൊലീസ് പറയുന്നു. ഇയാൾക്കെതിരെ നിരവധി പരാതികൾ ഉയർന്നതോടെയാണ് പ്രതി കുടുങ്ങിയത്.
കഴിഞ്ഞ ദിവസം ഇയാൾ കടന്ന് പിടിക്കാൻ ശ്രമിച്ച ഒരു സ്ത്രീ പൊലീസ് സ്റ്റേഷനിൽ പരാതിയുമായി എത്തുകയും ബൈക്കിന്റെ നമ്പർ കുറിച്ച് നൽകുകയും ചെയ്തു. പിന്നീട് പരാതിയുമായി വന്ന രണ്ട് പെൺകുട്ടികൾ ഇയാളെ കണ്ടാൽ തിരിച്ചറിയുമെന്നും പൊലീസിന് മൊഴി നൽകിയതോടെയാണ് പ്രതി വലയിലായത്.
https://www.facebook.com/Malayalivartha