പുതിയ സിനിമകളുടെ വ്യാജ പതിപ്പ് പ്രചരിപ്പിക്കുന്ന തമിഴ് റോക്കേഴ്സ് വെബ്സൈറ്റുകള്‍ ആയ www.tamilrockers.tv, www.tamilrockers.ax, www.tamilrockers.ro എന്നിവ മലയാളി ഹാക്കര്‍മാരുടെ സഹായത്തോടെ പ്രവർത്തനരഹിതമാക്കി. തമിഴ് റോക്കേഴ്സ് വെബ്സൈറ്റുകള്‍ ശനിയാഴ്ച രാവിലെ മുതല്‍ ലഭ്യമാകില്ലെന്നു കണ്‍സോള്‍ ടെക്നോ സൊല്യൂഷന്‍സിലെ സാങ്കേതിക വിദഗ്ധന്‍ അരവിന്ദ് മംഗലശേരി അറിയിച്ചു.

മലയാളത്തിലേയും തമിഴിലേയും ഏറ്റവും പുതിയ ചിത്രങ്ങള്‍ അനുവാദമില്ലാതെ തമിഴ് റോക്കേഴ്സ് പുറത്ത് വിടാറുണ്ട്. ഈ സാഹചര്യo കണക്കിലെടുത്താണ് തമിഴ് റോക്കേഴ്സ് എന്ന വെബ്സൈറ്റ് നെ പ്രവർത്തന രഹിതമാക്കിയത്. അതെ സമയം മുൻപ് തമിഴ് നടൻ വിശാല്‍ സൈറ്റ് പൂട്ടിക്കാന്‍ ശ്രമിച്ചെങ്കിലും പരാജയപ്പെടുകയായിരുന്നു.

തമിഴ് റോക്കേഴ്സ് പോലെ പ്രവർത്തിക്കുന്ന മറ്റൊന്നാണ് ടോറന്റ് വെബ്സൈറ്റുകൾ. ഇത് സീഡിങ് സാങ്കേതികവിദ്യയില്‍ പ്രവര്‍ത്തിക്കുന്നതിനാല്‍ ബ്ലോക്ക് ചെയ്യുന്നത് അസാധ്യമാണെന്നും ഇത് വഴിയുള്ള വ്യാജ സിനിമ പ്രചരണം തുടരുമെന്നും അരവിന്ദ് കൂട്ടിച്ചേര്‍ത്തു