പതിനഞ്ചുകാരന്‍ 42 കാരിയെ ബലാല്‍സംഗം ചെയ്തു; വീട്ടമ്മ തനിച്ചായ തക്കം നോക്കി വീട്ടില്‍ അതിക്രമിച്ചു കയറി കാട്ടിയ പരാക്രമം
നമ്മുടെ നാട്ടില്‍ കുട്ടിക്കുറ്റവാളികള്‍ വര്‍ധിക്കുകയാണ്. പതിനഞ്ചുകാരന്‍ 42 കാരിയെ ബലാല്‍സംഗം ചെയ്തു. കോതമംഗലം ഊന്നുകല്‍ സ്വദേശിയാണ് വീട്ടമ്മയെ പീഡിപ്പിച്ചത്. പ്രതിയെ പൊലീസ് കസ്റ്റഡിയിലെടുത്തു.
ഒന്നരമാസം മുന്‍പാണ് സംഭവം ഉണ്ടായത്. വീട്ടമ്മ തനിച്ചായ തക്കം നോക്കി വീട്ടില്‍ അതിക്രമിച്ചു കയറിയായിരുന്നു പീഡനം. ഭയം മൂലം ആദ്യം യുവതി പീഡനവിവരം പുറത്തറിയിച്ചില്ല. എന്നാല്‍ പിന്നീട് പരാതിയുമായി പൊലീസിനെ സമീപിക്കുകയായിരുന്നു. അന്വേഷണത്തില്‍ പൊലീസ് പതിനഞ്ചുകാരനെ കസ്റ്റഡിയില്‍ എടുത്തു. മദ്യപാനത്തിന് അടിമയായ പ്രതി മുന്‍പും ഇത്തരത്തില്‍ സ്ത്രീകളെ ശല്യം ചെയ്തിരുന്നതായി പൊലീസ് പറയുന്നു. ഒമ്പതാം ക്ലാസില്‍ പഠിത്തം നിര്‍ത്തിയ പതിനഞ്ചുകാരനെ കുറിച്ച് നാട്ടുകാര്‍ക്കും പരാതികളുണ്ട്.
വീട്ടമ്മയുടെ മൊഴി പ്രകാരം പൊലീസ് പതിനഞ്ചുകാരനെതിരെ കേസെടുത്തു. പ്രതിയെ നാളെ ജുവനൈല്‍ കോടതിയില്‍ ഹാജരാക്കും.
അതേസമയെ കുളിമുറിയിലെ ദൃശ്യം മൊെബെല്‍ ക്യാമറയില്‍ പകര്‍ത്തി 15 ലക്ഷം രൂപ ആവശ്യപ്പെട്ട വിദ്യാര്‍ഥിയും പിടിയിലായി. ചങ്ങംങ്കരി സ്വദേശിയായ പത്താം ക്ലാസ് വിദ്യാര്‍ഥിയാണ് എടത്വാ പോലീസിന്റെ പിടിയിലായത്. അയല്‍വാസിയായ യുവതി കുളിക്കുമ്പോള്‍കുളിമുറിയുടെ ജനലഴിയിലൂടെയാണ് വിദ്യാര്‍ഥി മൊെബെലില്‍ ദൃശ്യം പകര്‍ത്തിയത്.
യുവതിയുടെ ബന്ധു നിര്‍മിക്കുന്ന വീടിന്റെ ഫൗണ്ടേഷന് മുകളില്‍ കയറി ദൃശ്യം പകര്‍ത്തുന്നത് ശ്രദ്ധയില്‍പെട്ട യുവതി വീട്ടുകാരെ വിവരം അറിയിച്ച് വിദ്യാര്‍ഥിയെ പിടികൂടി താക്കീത് ചെയ്ത് വിട്ടയച്ചിരുന്നു. നവംബര്‍ മൂന്നിനാണ് കേസിന് ആസ്പദമായ സംഭവം നടന്നത്. കഴിഞ്ഞ ദിവസം യുവതിയുടെ വീടിന് മുമ്പില്‍നിന്ന് ദൃശ്യം അടങ്ങിയ മെമ്മറി കാര്‍ഡും, കത്തും വീട്ടുകാര്‍ക്ക് ലഭിച്ചു.
മെമ്മറി കാര്‍ഡിന്റെ കോപ്പിയാണെന്നും, സോഷ്യല്‍ മീഡിയായിലൂടെ ദൃശ്യം പ്രചരിപ്പിക്കുമെന്നും ഇല്ലെങ്കില്‍ 15 ലക്ഷം രൂപ ഉടന്‍ നല്‍കണമെന്നുമായിരുന്നു കത്ത്. വീട്ടുകാര്‍ കത്തും മെമ്മറി കാര്‍ഡും എടത്വാ പോലീസിന് െകെമാറി. പോലീസിന്റെ അന്വേഷണത്തിലും മുന്‍പുണ്ടായ സംഭവങ്ങളുടെ പശ്ചാത്തലത്തിലും വിദ്യാര്‍ഥിയെ പിടികൂടുകയായിരുന്നു. വിദ്യാര്‍ഥിയുടെ പക്കല്‍ നിന്ന് ദൃശ്യം അടങ്ങിയ മറ്റ് മൂന്ന് മെമ്മറി കാര്‍ഡുകള്‍ കൂടി പോലീസ് കണ്ടെത്തിയതായി സൂചനയുണ്ട്. പ്രായപൂര്‍ത്തി ആകാത്തതിനാല്‍ അറസ്റ്റ് ചെയ്യാനോ പോലീസ് കസ്റ്റഡിയില്‍ സൂക്ഷിക്കാനോ പോലീസിന് കഴിഞ്ഞില്ല. ജുവെനെല്‍ ജസ്റ്റിസ് ബോര്‍ഡില്‍ അറിയിച്ചശേഷം വിദ്യാര്‍ഥിയെ വിട്ടയച്ചു.
തമിഴ്‌നാട് സ്വദേശികളായ വിദ്യാര്‍ഥിയുടെ കുടുംബം വര്‍ഷങ്ങളായി കുട്ടനാടിന്റെ പലഭാഗങ്ങളിലും മാറിമാറി വാടകയ്ക്ക് താമസിച്ചുവരുകയായിരുന്നു. രണ്ട് വര്‍ഷം മുന്‍പാണ് യുവതിയുടെ വീടിന് സമീപത്ത് സ്ഥലം വാങ്ങി താമസം തുടങ്ങിയത്. ദൃശ്യം അടങ്ങിയ മെമ്മറി കാര്‍ഡിനൊപ്പം പണം ആവശ്യപ്പെട്ട് കത്ത് നല്‍കിയതോടെ കൂടുതല്‍ പേര്‍ ഇതില്‍ ഉള്‍പ്പെട്ടിരിക്കാമെന്നും സംശയിക്കുന്നു.
https://www.facebook.com/Malayalivartha
