പതിനാലുകാരനെ ക്രൂരമായി കൊലപ്പെടുത്തിയ അമ്മയുടെ മാനസിക നില വീണ്ടും പരിശോധിക്കും
മകനെ കൊന്ന കേസില് അറസ്റ്റിലായ ജയമോളുടെ മാനസികനില വീണ്ടും പരിശോധിക്കും. ഒരു വര്ഷമായി ജയമോള്ക്ക് മാനസിക പ്രശ്നങ്ങളുണ്ടെന്ന് മകള് ടീന വെളിപ്പെടുത്തിയ സാഹചര്യത്തിലാണിത്. അമ്മയോട് ജിത്തുവിനുള്ള സ്നേഹം നഷ്ടപ്പെടുമോ എന്ന ഭീതിയാലാണ് ജയമോള് കൊലപാതകം നടത്തിയതെന്നും കൊല്ലപ്പെട്ട ജിത്തുവിന്റെ സഹോദരി ടീന പറഞ്ഞിരുന്നു. മാധ്യമങ്ങളോട് പറഞ്ഞു. തിങ്കളാഴ്ച ജയാജോബിനെ കസ്റ്റഡിയില് വാങ്ങി വിശദമായ പരിശോധന നടത്താനാണ് പൊലീസിന്റെ നീക്കം. മാനസിക പ്രശ്നമുണ്ടെന്ന ടീനയുടെ മൊഴി പൊലീസ് നാളെ കോടതിയില് അറിയിക്കും.
ചെറിയ കാര്യങ്ങള്ക്കുപോലും ജയ വല്ലാതെ ദേഷ്യപ്പെടുമായിരുന്നു. ജിത്തു മിക്കപ്പോഴും അച്ഛന്റെ കുടുംബ വീട്ടില് പോകാറുണ്ട്. അവിടെ നിന്ന് തിരികെ വരുമ്ബോള് അവന് അമ്മയോട് തട്ടിക്കയറും. അമ്മയെ കൊച്ചാക്കി സംസാരിക്കുന്നതും ദേഷ്യം പിടിപ്പിക്കുന്നതും അവന് രസമായിരുന്നു. കുറച്ച് കഴിയുമ്ബോള് രണ്ടുപേരും നല്ല കൂട്ടാകാറുണ്ടെന്നും ടീന പറഞ്ഞു.
അതേസമയം, കേസിലെ പ്രതിയായ ജയമോള്ക്ക് മാനസിക പ്രശ്നം ഉണ്ടെന്ന് ഇതുരെ ബോദ്ധ്യപ്പെട്ടിട്ടില്ലെന്ന് കൊല്ലം കമ്മിഷണര് ഡോ.എ. ശ്രീനിവാസ് പറഞ്ഞു. ചോദ്യങ്ങള്ക്ക് കൃത്യമായ മറുപടി തരുന്നുണ്ട്. മാനസിക രോഗവിദഗ്ദ്ധന്റെ സഹായത്തോടെ നടത്തിയ പരിശോധനയിലും ഇവര്ക്ക് മാനസിക പ്രശ്നങ്ങള് ഉണ്ടെന്ന് കണ്ടെത്താനായിട്ടില്ല. ചെറിയ തോതിലുള്ള മാനസിക പ്രശ്നങ്ങളാണ് ഉള്ളതെങ്കില് കുറഞ്ഞത് മൂന്നുതവണ സിറ്റിംഗ് നടത്തിയെങ്കിലേ ബോദ്ധ്യപ്പെടുകയുള്ളൂവെന്നാണ് മാനസിക രോഗ വിദഗ്ദ്ധന്റെ അഭിപ്രായം.
https://www.facebook.com/Malayalivartha