നടൻ ദിലീപും അദ്ദേഹത്തിന്റെ അഭ്യുദയകാംക്ഷികളും ആശ്വാസ തുരുത്തിൽ; ആക്രമണത്തിനിരയായ യുവതിയുടെ വിവാഹം നടന്നതോടെ തനിക്കെതിരായ ആരോപണത്തിൽ നിന്നും പിൻമാറുമെന്ന പ്രതീക്ഷയോടെ ദിലീപ്
നടൻ ദിലീപും അദ്ദേഹത്തിന്റെ അഭ്യുദയകാംക്ഷികളും ആശ്വാസ തുരുത്തിൽ. ആക്രമണത്തിനിരയായ യുവതിയുടെ വിവാഹം നടന്നതോടെ അവർ തനിക്കെതിരായ ആരോപണത്തിൽ നിന്നും പിൻമാറുമെന്നാണ് ദിലീപിന്റെ പ്രതീക്ഷ.
നടിയുടെ വിവാഹം വരെ കാത്തിരിക്കാനാണ് ദിലീപ് അദ്ദേഹത്തിന്റെ വിശ്വസ്തരോട് പറഞ്ഞിരുന്നത്. എന്നാൽ വിവാഹം അനിശ്ചിതമായി നീണ്ടു പോയതോടെ ദിലീപ് പ്രതിസന്ധിയിലായി. അപ്പോഴാണ് തികച്ചും അപ്രതീക്ഷിതമായി നടിയുടെ വീവാഹം നടന്നത്. സ്വാഭാവികമായും വിവാഹിതയായ നടി കോടതിയിൽ ഹോസ്റ്റയിലാകും എന്നാണ് പ്രതിസ്ഥാനത്തുള്ളവർ പ്രതീക്ഷിക്കുന്നത്.
ബി. സന്ധ്യയെ സ്ഥലം മാറ്റിയതോടെ താൻ രക്ഷപ്പെട്ടതായാണ് ദിലീപ് പറയുന്നത്. ബി. സന്ധ്യയാണ് ദിലീപിന്റെ കേസ് അതിശക്തമായി ഫോളോ അപ്പ് ചെയ്തിരുന്നത്. അതിനെതിരെ ദിലീപ് ആരോപണം വരെ ഉന്നയിച്ചു. നടി മഞ്ജുവാര്യരുമായുള്ള സൗഹൃദത്തിന്റെ പിൻബലത്തിലാണ് സന്ധ്യ തനിക്കെതിരെ നീക്കം നടത്തുന്നതെന്നും ആരോപിച്ചു. എന്നാൽ സമർത്ഥയായ ഉദ്യോഗസ്ഥയായ സന്ധ്യ ഇത്തരം ആരോപണങ്ങളെ സധൈര്യം നേരിട്ടു. എന്നാൽ പാർട്ടിയും സർക്കാരുമായി തെറ്റിയതോടെയാണ് സന്ധ്യയെ അനാകർഷകമായ പോലീസ് പരിശീലന മേധാവി സ്ഥാനത്തേക്ക് മാറ്റിയത്. സന്ധ്യ തന്നെ ഞെട്ടി പോയ സ്ഥലം മാറ്റമായിരുന്നു ഇത്. കണ്ണടച്ച് തുറക്കും മുമ്പാണ് എല്ലാം സംഭവിച്ചത്.
സന്ധ്യയുടെ സ്ഥലം മാറ്റത്തിന് പിന്നിലും ദിലീപിന്റെ കരങ്ങൾ ഉണ്ടോ എന്ന സംശയം ബലപ്പെടുന്നു. പാർട്ടിക്ക് വേണ്ടപ്പെട്ടവനാണ് ദിലീപ്. സർക്കാരിന് ആരോപണം വന്ന സമയത്ത് ദിലീപിനെതിരെ പ്രവർത്തിക്കേണ്ടി വന്നു എന്നത് വാസ്തവമാണ്. എറണാകളും ജില്ലാ കമ്മിറ്റിയാണ് സന്ധ്യയെ സ്ഥലം മാറ്റിയത്. സന്ധ്യക്ക് മാറ്റം വരുമ്പോൾ ഡി ജി പി ലോകനാഥ് ബഹ്റ ശബരിമലയിലായിരുന്നു. അദ്ദേഹം സ്ഥലം മാറ്റത്തെ കുറിച്ച് അറിഞ്ഞില്ലെന്നും കേൾക്കുന്നു. സീനിയർ ഐ.പി എസ് ഉദ്യോഗസ്ഥരെ സ്ഥലം മാറ്റുന്നത് ആഭ്യന്തര വകുപ്പാണ്.
ദിലീപ് തികഞ്ഞ ആത്മവിശ്വാസത്തിലാണ്. അദ്ദേഹം ദേ പുട്ട് എന്ന ഹോട്ടൽ ശൃംഖലയുടേതുൾപ്പെടെ വിവിധ ബിസിനസ് സ്ഥാപനങ്ങളുടെ പ്രവർത്തനങ്ങൾ ആരംഭിച്ചു കഴിഞ്ഞു. താൻ നിരപരാധിയാണെന്ന തരത്തിൽ അദ്ദേഹം സാമൂഹ്യ മാധ്യമങ്ങളിൽ പ്രചരണം ആരംഭിച്ചു കഴിഞ്ഞു. കേസിൽ നിന്നും ഊരിയ മട്ടിലാണ് ദിലീപ് നീങ്ങുന്നത്. വിവാഹം കഴിഞ്ഞ പെൺകുട്ടി വിവാദങ്ങളിൽ നിന്നും ഒഴിഞ്ഞു നിൽക്കുമെന്ന പ്രതീക്ഷയാണ് ദിലീപിനുള്ളത്. എന്നാൽ ഇനിയറിയേണ്ടത് നടി ഹോസ്റ്റയിൽ ആകുമോ എന്നാണ്. കേരളം കാത്തിരിക്കുന്നതും ആ ചോദ്യത്തിനുള്ള മറുപടിയാണ്.
ദിലീപ് കുറ്റക്കാരനാണെങ്കിൽ ശിക്ഷിക്കപ്പെടുക തന്നെ വേണം. ഒരിക്കലും കുറ്റകൃത്യങ്ങളിൽ ഏർപ്പെടുന്നവർ രക്ഷപ്പെടരുത്. അതാണ് കേരളം ആഗ്രഹിക്കുന്നത്.
https://www.facebook.com/Malayalivartha