എന്റെ മക്കള്ക്ക് ഒരു വാക്സിനും എടുത്തിട്ടില്ല, സര്ക്കാരിന്റെ നിര്ബന്ധപ്രകാരമാണ് ശീലമില്ലാത്ത സ്വഭാവം എന്നെ ഭരിക്കുന്നതെന്ന് സി.പി.എം എം.എല്.എ ആരിഫ് പറഞ്ഞത് വിവാദമാകുന്നു
ലോകത്തെ മുഴുവന് രാജ്യങ്ങളിലും നടപ്പിലാക്കി കൊണ്ടിരിക്കുന്ന മീസില് റൂബില്ല വാക്സിനേഷനെതിരെ സി.പി.എം എം.എല്.എ ആരിഫ് നടത്തിയ പ്രസ്താവന വിവാദമാകുന്നു. തന്റെ കുട്ടികള്ക്ക് വാക്സിന് നല്കാതിരിക്കുകയും, വാക്സിനേഷന് എതിരെ നിലപാട് സ്വീകരിക്കുകയും ചെയ്ത എ.എം ആരിഫ് എം.എല്.എ ശാസ്ത്ര സത്യങ്ങളെ വളച്ചൊടിക്കുന്നതായി ഇന്ത്യന് മെഡിക്കല് അസോസിയേഷന് (ഐ.എം എ ) ആരോപിച്ചു. പുരോഗമന പ്രസ്ഥാനത്തിന്റെ ജനപ്രതിനിധിയായ ആരിഫ് ഇത്തരം നിലപാട് സ്വീകരിക്കുന്നത് തികച്ചും ആശങ്ക ജനകമാണെന്നും ഐ.എം.എ പ്രസ്താവനയില് അറിയിച്ചു.
ശാസ്ത്രത്തോടും, വിദ്യാഭ്യാസ പുരോഗതിയോടും എന്നും പുരോഗമനപരമായ നിലപാട് സ്വീകരിച്ചിട്ടുള്ള ഇടതുപക്ഷ പ്രസ്താനത്തിന്റെ എം.എല്.എ ഇത്തരം ഒരു നിലപാടില് എത്തിയത് അതിശയകരമായി തോന്നി. കേന്ദ്ര സംസ്ഥാന സര്ക്കാരുകളും ലോകാരോഗ്യ സംഘടനയുമൊക്കെ വാക്സിനേഷന് വേണ്ടി അഹോരാത്രം പ്രയത്നിക്കുമ്പോള് തികച്ചും അശാസ്ത്രീയമായ നിലപാട് എം.എല്.എ സ്വീകരിച്ചത് പൊതുജനാരോഗ്യത്തോടുള്ള വെല്ലുവിളിയാണെന്ന് ഐ.എം എ വിലയിരുത്തി. സംസ്ഥാനത്ത് വാക്സിനേഷന് 100 % നടപ്പിലാക്കാന് സര്ക്കാരും ആരോഗ്യ മന്ത്രിയും കാണിക്കുന്ന താല്പര്യം മാതൃകാപരമാണ്. ഈ അവസരത്തില് ഭരണപക്ഷത്തിലെ ഒരു അംഗം തന്നെ പരസ്യ നിലപാട് സ്വീകരിച്ചത് അനൗചിത്വമായിപ്പോയി. ഈ സാഹചര്യത്തില് എം.എല്.എ തെറ്റ് തിരുത്തുകയും ശാസ്ത്രത്തോടൊപ്പം എം എല് എ നില്ക്കുമെന്ന് പ്രതീക്ഷിക്കുന്നതായും ഇന്ത്യന് മെഡിക്കല് അസോസിയേഷന് സംസ്ഥാന പ്രസിഡന്റ് ഡോ.ഇ.കെ.ഉമ്മറും, സെക്രട്ടറി ഡോ.എന്.സുള്ഫിയും ആവശ്യപ്പെട്ടു.
വാക്സിന് വിഷയത്തില് സര്ക്കാരിന്റെ സമ്മര്ദ്ദത്തെ തുടര്ന്നാണ് തനിക്ക് ഇരട്ടത്താപ്പ് സ്വീകരിക്കേണ്ടി വന്നതെന്ന് കഴിഞ്ഞ ദിവസം എം.എല്.എ പ്രസ്താവിച്ചിരുന്നു.സര്ക്കാരിന്റെ കര്ശന നിര്ദ്ദേശം ഉള്ളത് കൊണ്ടാണ് ഇതിനെ പിന്തുണച്ചതെന്നും എം.എല്.എ വെളിപ്പെടുത്തിയിരുന്നു. ഇന്സ്റ്റിറ്റിയൂട്ട് ഓഫ് ഹോമിയോ പത്സ് കേരള സംഘടിപ്പിച്ച ശാസ്ത്ര സെമിനാര് ഉദ്ഘാടനം ചെയ്യവെയാണ് അദ്ദേഹം ഇക്കാര്യം പറഞ്ഞത്. എന്റെ മക്കള്ക്ക് ഒരു വാക്സിനും എടുത്തിട്ടില്ല. സര്ക്കാരിന്റെ നിര്ബന്ധപ്രകാരമാണ് ശീലമില്ലാത്ത സ്വഭാവം എന്നെ ഭരിക്കുന്നത്. അതുകൊണ്ടാണ് വാക്സിനേഷന് സംബന്ധിച്ച അവലോകന യോഗങ്ങളില് പങ്കെടുക്കേണ്ടി വന്നത്. വിശ്വസിക്കാത്തവര്ക്ക് അത് വിശ്വാസിക്കാതിരിക്കാനുള്ള സ്വാതന്ത്ര്യമുണ്ടെന്ന നിലപാടായിരുന്നു അന്നും. അനുസരിച്ചേ പറ്റൂ എന്ന നിര്ദ്ദേശമുളളതിനാല് ഇരട്ടത്താപ്പ് സ്വീകരിക്കുകയായിരുന്നെന്നുമാണ് ആരിഫ് എം.എല്.എ പറഞ്ഞത്. മുസ്്ലിം സമുദായ അംഗമായ ആരിഫ് ഇത്തരത്തിലൊരു പ്രസ്താവന നടത്തിയത് സി.പി.എമ്മിനെ വെട്ടിലാക്കിയിരിക്കുകയാണ്.
https://www.facebook.com/Malayalivartha