മലങ്കര സഭ തർക്കം: തൃക്കുന്നത് സെമിനാരിയിൽ പാത്രിയർക്കീസ് വിഭാഗത്തിന് ഹൈക്കോടതി വിലക്ക്
മലങ്കര സഭ തർക്കത്തെ തുടർന്ന് നാൽപ്പത് വർഷത്തോളമായി പൂട്ടി കിടക്കുന്ന ആലുവ തൃക്കുന്നത്ത് സെമിനാരിയില് പാത്രിയാര്ക്കീസ് വിഭാഗത്തിന് ഹൈക്കോടതിയുടെ വിലക്ക്. മലങ്കര സഭ തര്ക്കത്തില് സുപ്രീംകോടതി വിധിയുടെ പശ്ചാത്തലത്തില് പാത്രിയർക്കീസ് വിഭാഗത്തിലെ മെത്രപ്പോലീത്തമാരും വൈദികരും ആരാധന അര്പ്പിക്കുന്നതിനാണ് ഹൈക്കോടതി വിലക്കേർപ്പെടുത്തിയത്. തർക്കത്തെ തുടർന്ന് പെരുന്നാൾ ദിവസം ഇരു വിഭാഗങ്ങളും വ്യത്യസ്ത സമയങ്ങളിലാണ് പ്രാർത്ഥന നടത്തിയിരുന്നത്.
തൃക്കുന്നത് സെമിനാരിയിൽ ജനുവരി 25, 26 തീയതികളിൽ നടക്കുന്ന പെരുന്നാളിനോട് അനുബന്ധിച്ച് പാത്രിയാര്ക്കീസ് വിഭാഗത്തെ വിലക്കണമെന്നാവശ്യപ്പെട്ട് ഓര്ത്തഡോക്സ് വിഭാഗം നല്കിയ ഹര്ജിയിലാണ് ഇപ്പോൾ ഹൈക്കോടതി വിധി പ്രഖ്യാപിച്ചിരിക്കുന്നത്. മലങ്കര സഭയിലെ പള്ളികൾ സഭ ഭരണഘടനാപ്രകാരം ഭരിക്കപ്പെണമെന്നും പള്ളിയുടെ ഭരണത്തില് തര്ക്കമുന്നയിക്കാനാവില്ലെന്നും സുപ്രീംകോടതി നേരത്തെ വിധിച്ചിരുന്നു.
https://www.facebook.com/Malayalivartha