സ്വാതന്ത്ര്യം എന്നാല് ആവിഷ്കാര സ്വാതന്ത്ര്യം കൂടിയാണ്; കലാപ്രവര്ത്തനത്തിലൂടെയുള്ള ആവിഷ്കാര സ്വാതന്ത്ര്യം ഇത്രയുമധികം വെല്ലുവിളി നേരിട്ട മറ്റൊരു കാലമുണ്ടാവില്ല; പത്മാവതിന് പിന്തുണയുമായി മുഖ്യമന്ത്രി പിണറായി വിജയൻ
സഞ്ജയ് ലീല ബന്സാലി സംവിധാനം ചെയ്ത പദ്മാവതിനെതിരെ പ്രതിഷേധം ശക്തമാകുമ്പോൾ വിഷയത്തിൽ നിലപാട് വ്യക്തമാക്കി മുഖ്യമന്ത്രി പിണറായി വിജയൻ. സര്ഗാത്മകതയ്ക്കെതിരായ ഭീഷണികള് ചെറുത്തു തോല്പിക്കാനുള്ള കരുത്ത് കലാകാരന്മാര്ക്കുണ്ടാവണമെന്ന് അദ്ദേഹം പറഞ്ഞു. സ്വാതന്ത്ര്യം എന്നാല് ആവിഷ്കാര സ്വാതന്ത്ര്യം കൂടിയാണ് കലാപ്രവര്ത്തനത്തിലൂടെയുള്ള ആവിഷ്കാര സ്വാതന്ത്ര്യം ഇത്രയുമധികം വെല്ലുവിളി നേരിട്ട മറ്റൊരു കാലമുണ്ടാവില്ലെന്നും അദ്ദേഹം വ്യക്തമാക്കി.
എഴുത്തുകാര്, സാമൂഹ്യ പ്രവര്ത്തകന്മാര്, കലാകാരന്മാര് തുടങ്ങിയവര് ദിനംപ്രതി ഭീഷണികള്ക്കും ആക്രമങ്ങണങ്ങള്ക്കും കൊലപാതങ്ങള്ക്കും ഇടയാകുന്ന സാഹചര്യമാണുള്ളത്. ഭരണ സംവിധാനം ഇതിനുള്ള എല്ലാ ഒത്താശയും ചെയ്യുന്നു. സമകാലിക ഇന്ത്യ നേരിടുന്ന ഏറ്റവും വലിയ വെല്ലുവിളിയാണിതെന്നും അദ്ദേഹം കൂട്ടിച്ചേര്ത്തു. കേരള ലളിതകലാ അക്കാഡമിയുടെ ആഭിമുഖ്യത്തില് തിരുവനന്തപുരം ഫൈന് ആര്ട്സ് കോളേജില് സംഘടിപ്പിച്ച അഖി ദേശീയ കലാക്യാമ്പ് സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
https://www.facebook.com/Malayalivartha