ഷുഹൈബ് വധം സി.പി.എം അന്വേഷിക്കുമെന്ന് പി.ജയരാജന്, ആകാശ് തില്ലങ്കേരി പാര്‍ട്ടി അംഗമാണെന്നും കണ്ണൂര്‍ ജില്ലാ സെക്രട്ടറി
ഷുഹൈബ് വധത്തില്‍ മുഖ്യമന്ത്രി പിണറായി വിജയന്റെ പൊലീസിനെ തള്ളി സി.പി.എം കണ്ണൂര്‍ ജില്ലാ സെക്രട്ടറി പി.ജയരാജന്. സംഭവത്തെ കുറിച്ച് പാര്‍ട്ടി അന്വേഷിക്കുമെന്നും അതിന് ശേഷം കുറ്റക്കാരെങ്കില്‍ നടപടിയെടുക്കും. ആകാശ് തില്ലങ്കേരി പാര്‍ട്ടി അംഗമല്ലെന്ന് ഞങ്ങള്‍ പറഞ്ഞിട്ടില്ലെന്നും അദ്ദേഹം വ്യക്തമാക്കി. പൊലീസ് അന്വേഷണത്തില്‍ വിശ്വാസമില്ല. പൊലീസ് പലരേയും പ്രതികളാക്കും. കൃത്യത്തില്‍ പങ്കെടുത്ത സി.പി.എം അംഗങ്ങളുടെ പങ്കാളിത്തത്തെ കുറിച്ച് അന്വേഷിക്കും. അവര്‍ യഥാര്‍്ത്ഥ പ്രതികളോണോ എന്ന് അന്വേഷിക്കും. അതിന് ശേഷമായിരിക്കും നടപടിയെന്നും ജയരാജന് പറഞ്ഞു.
സമാധാനം യോഗം ബഹിഷ്‌ക്കരിച്ചത് കോണ്‍ഗ്രസിന്റെ നാടകമാണെന്നും ജയരാജന് വ്യക്തമാക്കി. സമാധാനം തകര്‍ക്കാനുള്ള ശ്രമമാണിത്. സാമാധാന ചര്‍ച്ചയ്ക്ക് വന്നവര്‍ അതിന് ശേഷമല്ലേ മറ്റ് കാര്യങ്ങള്‍ ചൂണ്ടിക്കാട്ടേണ്ടതെന്നും ജയരാജന് ചോദിച്ചു. കണ്ണൂര്‍ ജില്ലാ നേതൃത്വവും സംസ്ഥാനനേതൃത്വവും തമ്മില്‍ അടുത്തകാലത്തുണ്ടായ അകല്‍ച്ച വ്യക്തമാക്കുന്നതാണ് ജയരാജന്റെ പ്രസ്താവന.
സംസ്ഥാനതല പ്രവര്‍ത്തനത്തിന് എം.വി ജയരാജനും ഇ.പി ജയരാജനും എത്തിയതോടെ കണ്ണൂരിലെ പാര്‍ട്ടി പി.ജയരാജന്റെ കയ്യിലാണ്. ഇതില്‍ പിണറായി അടക്കമുള്ളവര്‍ക്ക് അത്ര രസിച്ചിട്ടില്ല. ജയരാജന് വ്യക്തിപൂജ നടത്താന്‍ ശ്രമിക്കുന്നു എന്ന് ആരോപിച്ച് സംസ്ഥാന സമിതി ശാസിച്ചത് ഇതിന്റെ ഭാഗമായായിരുന്നു. ജയരാജനെ പ്രകീര്‍ത്തിച്ചുള്ള ഫഌക്‌സുകളും വീഡിയോ ആല്‍ബങ്ങളും ജില്ലയില്‍ ഇറങ്ങിയിരുന്നു.
പിണറായി കണ്ണൂരില്‍ പങ്കെടുത്ത ചടങ്ങില്‍ സ്വാഗതം പറഞ്ഞ പി.ജയരാജന് കൂടുതല്‍ കയ്യടി കിട്ടിയത് മുഖ്യമന്ത്രിയെ അസ്വസ്ഥനാക്കിയിരുന്നു. അതോടെയാണ് ജയരാജനെ ഒതുക്കാന്‍ ശ്രമം തുടങ്ങിയത്. കണ്ണൂരില്‍ നിന്നുള്ളവര്‍ തന്നെയാണ് സംസ്ഥാന കമ്മിറ്റിയല്‍ പി.ജയരാജനെതിരെ വിമര്‍ശനം ഉന്നയിച്ചത്. ഇ.പി ജയരാജനും എം.വി ജയരാജനും പിണറായിയും അടക്കം പി.ജയരാജനെ സെക്രട്ടറി സ്ഥാനത്ത് നിന്ന് നീക്കാന്‍ നോക്കിയെങ്കിലും ജനപിന്തുണ ഭയന്ന് പിന്‍മാറുകയായിരുന്നു. ഷുഹൈബ് വധത്തില്‍ പൊലീസ് അറസ്റ്റ് ചെയ്ത ആകാശ് തില്ലങ്കേരി പി.ജയരാജന്റെ വലംകൈയ്യാണ്. അതിനാലാണ് പൊലീസിന്റെ അന്വേഷണത്തില്‍ വിശ്വാസമില്ലെന്ന് പി.ജയരാജന് പരസ്യമായി പറഞ്ഞത്.
https://www.facebook.com/Malayalivartha
